कैलाली, असार ९
धनगढी उपमहानगरपालिका–२ स्थित बैयाबेहडीमा एक युवती मृत अवस्थामा फेला परेकी छन्।
प्रहरीका अनुसार कञ्चनपुर जिल्लाको पुनर्वास नगरपालिका–११ अमरबस्तीकी ३० वर्षीया रेणु चौधरी सोमबार बिहान धनगढीस्थित आफ्नै कोठामा मृत अवस्थामा फेला परेकी हुन्।
जिल्ला प्रहरी कार्यालय कैलालीका प्रवक्ता प्रहरी नायब उपरीक्षक (डीएसपी) राजकुमार सिंहले उनी धनगढीमा कोठा भाडामा लिएर बस्दै आएको जानकारी दिए। उनका अनुसार रेणु बस्दै आएको कोठाको ढोका बाहिरबाट ताल्चा लागेको अवस्थामा भेटिएको थियो।
घटनाबारे जानकारी पाएलगत्तै प्रहरी घटनास्थलमा पुगेर कोठा सिल गरी आवश्यक अनुसन्धान सुरु गरिएको जनाएको छ। प्रारम्भिक रुपमा मृत्युको कारण स्पष्ट नभएको बताउँदै प्रहरीले विस्तृत अनुसन्धान भइरहेको जानकारी दिएको छ।
No comments:
Post a Comment