हरितालिका तीजको अबसरमा बहाई पुस्तक प्रद्वर्शनी सम्पन्न

यम प्रसाद आचार्य
पुनर्वास, २७ भाद्र
       हिन्दु नारीहरुको महान पर्व हरितालिका तीजको बिशेष अबसरमा पुनर्वास नगरपालिका -२ अमरैयामा आयोजित तीज महोत्सवमा मोतिबस्ती-अमरैया बहाई स्थानीय आध्यात्मिक सभाले बहाई पुस्तक प्रदर्शनी गरेको छ ।

पुनर्वास नगरपालिका -२ को अमरैया बजार व्यवस्थापन समितिले आयोजना गरेको तीज महोत्सव को विशेष अबसर पारेर बहाई समुदायले रचनात्मक ढंगबाट पुस्तक प्रदर्शनी गरेको छ । 

प्रदर्शनी मा बहाई धर्मका प्रवर्तक बहाउल्लाह कृतिहरु, उनको शिक्षा बाट प्रेरित भएर  विभिन्न लेखक द्वारा लेखिएका विभिन्न बिधाका पुस्तकहरु, बाल नैतिक कक्षा, किशोर किशोरी आध्यात्मिक शसक्तिकरण कार्यक्रम र युवाहरुको लागि संचालन गरिने जीवन उपयोगी अध्ययन कक्षाका पुस्तक हरु ,भौतिकवाद र आध्यात्मिकवाद सन्तुलन  र अन्य थुप्रै बिषय सग संबंधित पुस्तकहरु राखिएको थियो! पुस्तकको बारेमा बुझ्न र बहाई धर्मको बारेमा जान्न १००औ को संख्यामा मानिसहरूले भम्रण गरेका थिए। 

यस क्रममा पुनर्वास नगरपालिका वडा नम्बर २ का अध्यक्ष सन्त कुमार चौधरी ,सोही वडाका वडा सदस्य डिल्ली सार्की, बेद्कोट नगरपालिका वडा नम्बर ५ का वडा अध्यक्ष गणेश बि.क. लगाएत बुद्धिजीवी ,शिक्षक, राजनीतिकर्मी ,युवा तथा बृद्ध सबैले अवलोकन गरेको गरेको र उत्सुकता का साथ सोधखोज गरेको मोतिबस्ती-अमरैया सथानिय आध्यात्मिक सभाका अध्यक्ष हेमन्त बुढाले जानकारी गर्नुभयो । 

उहाँ हरुलाई सहयक मन्डल सदस्य यम प्रसाद आचार्य ले उपहारस्वरूप केहि पुस्तक प्रदान गर्नुभएको थियो! थुप्रै युवाहरु ले बहाई काक्षामाअ भाग लिने र समाज निर्माण प्रक्रियामा योगदान दिने ईच्छा व्यक्त गर्दै आफ्नो सम्पर्क नम्बरहरु दिएको पनि अध्यक्ष बुढाले बताउनु भयो 

स्मरण रहोस् बहाई समुदायले असल र समुन्नत समाज निर्माण गर्नका लागि बालबालिकाहरुको लागि बाल नैतिक कक्षा ,किशोर किशोरीहरुका लागि किशोर किशोरी आध्यात्मिक सशक्तीकरण कार्यक्रम र युवाहरूका लागि विभिन्न तालीमहरु सन्चालन गरिरहेको छ। भने ईश्वर एउटै छन, र सम्पुर्ण धर्महरु युग अनुकूल एउटै ईश्वर बाट आएका हुन, सम्पुर्ण मानव जाति एउटै परिवारका सदस्य हुन भन्ने कुरामा बिश्वास गर्दै धर्मको एकता,मानवजाति बिच एकता र विश्व शान्ति र समद्वी का लागि कार्य गरिरहेका छन ।