हाम्रै साझा पत्रिकाका सम्पादक हेमन्त न्यौपाने सम्मानित

बेलौरी, असोज ३०
     बेलौरी नगरपालिका वडा नम्बर ५ कालेश्वर महादेव मन्दिर भकुण्डा परिसरमा आयोजित प्रथम बेलौरी बृहत सांस्कृतिक कार्यक्रम तथा रमाइलो मेलाको समापनका दिन आज हाम्रै साझा पत्रिकाका सम्पादक हेमन्त न्यौपाने सम्मानित भएका छन ।

    प्रदेश सभा सदस्य तथा नेकपा प्रदेश प्रमुख सचेतक तारालामा तामाङ प्रमुख अतिथि रहनुभएको समापन कार्यक्रममा सम्पादक न्यौपानेलाई सम्मानपत्र सहित दोसल्ला ओढाइ सम्मान गरिएको छ ।

भकुण्डामा आयोजित उक्त कार्यक्रमको समापनका दिन आज नेपाल आइडलमा टप ९ मा पुगेका प्रतिस्पर्धी रवि ओड प्रमुख आकर्षण बने । समापन कार्यक्रमलाई सम्बोधन गर्दै प्रमुख अतिथि सांसद तामाङले आयोजक समितिलाई धन्यवाद प्रकट गरे । उनले समितिको दु:खसुखमा मलम लगाउने आश्वासन दिए । पहिलो अभ्यास गरेको शान्तिपुर माध्यमिक विद्यालयका पुर्वविद्यार्थी समाजद्वारा आयोजित कार्यक्रम भव्य भएको प्रतिक्रिया दिए ।

कार्यक्रमका अतिथि पल्लबराज भट्टले पुनर्वास बेलौरीको पर्यटन विकासमा यस समितिले गरेको योगदान अतुलनीय रहेको बताए । असोज २३ गते देखि सुरु भएको कार्यक्रम आज असोज ३० गते सम्पन्न भएको छ । प्रथम बेलौरी बृहत सांस्कृतिक कार्यक्रम तथा रमाइलो मेलामा स्थानीय उत्पादन, उत्पादकत्वको प्रदर्शन, कला तथा संस्कृती प्रमुख आकर्षण बनेको थियो । कार्यक्रममा विभिन्न राष्ट्रिय देखि स्थानीय कलाकारहरु समेतले प्रस्तुति दिएका थिए ।