नयाँ बर्षमा मोडल सुरज रावलले ल्याए नयाँ कोसेली, उडायो पछ्यौरी युट्युवमा सार्वजनिक

हाम्रै साझा पत्रिका संवाददाता
काठमाडौं, पुस १७
            बेलाबेलामा नेपाली संगीतप्रेमीहरुका लागि सांगीतिक कोसेली लिएर आउने कञ्चनपुरका मोडल सुरज रावलले अँग्रेजी नयाँ बर्षको सुअवसर पारेर एउटा सांगीतिक कोसेली आफ्ना श्रोताहरु माझ पस्किएका छन । सानै देखि अभिनय तथा साहित्यमा रूचि राख्ने मोडल रावलले लोकगीतहरुमा अभिनय गर्न रुचाउछन ।

उनै मोडल रावलद्वारा अभिनित उडायो पछ्यौरी लोकगीत युट्युवमा आज सार्वजनिक भएको छ । म्युजिक भिडियोमा सुरजको अपोजिटमा सञ्चिता शाहीलाई देख्न सकिन्छ । नेपाली सांगीतिक आकासमा चर्चित मोडलमा आफ्नो नाम सुरक्षित राख्न सफल मोडल शाहीको यस म्युजिक भिडियोमा अभिनय निकै राम्रो देखिन्छ ।

प्रियसी म्युजिकबाट सार्वजनिक भएको यस गीतमा स्वर प्रविन घर्तीमगर र जमुना रानाले दिएका हुनभने संगीत केशब मगरले दिएका हुन । लिरिक्स दुर्गा शाहीको हो । भिडियोमा नृत्य सिनेमेटोग्राफर बासु न्यौपानेले गरेका हुनभने निर्देशन वबिता श्रेष्ठको हो ।

कलाकारीतामा निकै चासो राख्ने मोडल सुरजले नेपाली संगीतप्रेमीहरुका लागि नयाँ नयाँ प्रस्तुति दिँदै आएका छन । उनको जन्म कञ्चनपुरको बेलौरी नगरपालिकामा भएको हो । २०४५ भदौमा जन्मिएका सुरज रावलले सानैदेखि कलाकारीतामा निकै रुचि राख्थे । उनले २०६१ सालमा स्थानीय शान्ति उच्च माध्यमिक विद्यालयबाट एस.एल.सी पास गरे । उमेरसंगै उनको संगीतमोह झन बढ्दै गयो । २०६५/६६ मा  स्थानीय महाकाली माध्यमिक विद्यालयबाट +२ तह पास गरेपछि उनको सांगीतिक क्षेत्रमा आगमन भयो ।

म्युजिक भिडियो हेर्न यो link मा जानुहोस
https://www.youtube.com/watch?v=drxYjmHd0_I