लालझाडी कञ्चनपुरकै केन्द्र बन्छ : सभासद लामा

यम प्रसाद आचार्य
लालझाडी, माघ ०३
       थारुहरुको नयाँ वर्ष तथा माघी पर्बको विशेष अवसरमा लालझाडी गाउँपालिको आयोजना तथा मघी मिलन कार्यक्रम व्यवस्थापन समितिको  सहआयोजनामा लालझाडी ३- डुङ्गामा वृहत माघी मिलन साँस्कृतिक कार्यक्रम तथा वरघर र चाकरहरुलाई सम्मान कार्यक्रम प्रदेश सभा सदस्य तारा लामा तामाङको प्रमुख आतिथ्यता भब्यताका साथ सम्पन्न भएको छ ।

    लालझाडी गाउँपालिका अध्यक्षको सभापतित्वमा सुरुभएको कार्यक्रमा विशिस्ट अथितिको रूपमा बेलौरी नगरपालिकाका प्रमुख पोतिलाल चौधरी, नेकपा नेता वीर बहादुर थापा हुनुहुन्थ्यो । विभिन्न वडाका वडा अध्यक्ष, भल्मन्सा तथा बुद्धिजीवीहरुको बाक्लो उपस्थिति रहेको थियो । कार्यक्रममा सबै भलमन्सा हरुलाई दोसल्ला ओडाई सम्मान गरिएको थियोभने राष्ट्रिय कलाकार हरु रामकुमार कठरिया र नितु को प्रस्तुतिले महोल नै तातिएको थियो।

कार्यक्रमलाई सम्बोधन गर्दै प्रमुख अतिथि एवं प्रदेश सभा सदस्य तारा लामा तामाङले लालझाडी कञ्चनपुरकै दुर्गम क्षेत्रको रुपमा रहेकाले प्रदेश देखि केन्द्र सम्मको ध्यान यसलाई कसरी समुन्नति तिर लैजाने भन्नेमा केन्द्रित रहेकोेले छिट्टै यहाँको सडक पुर्वाधारको विकासमा सरकार गम्भीर रहेको बताउनुभयो ।