हेमन्त न्यौपाने
बेलौरी, फाल्गुन ०३
शहीद दिवसको अवसरमा भक्तपुर नगरपालिकाले आगामी फागुन ५ गतेदेखि ८ गतेसम्म अन्तरनगर कराते प्रतियोगिता आयोजना गर्ने भएको छ । प्रदेश नम्बर ३ को भक्तपुर नगरपालिकाले आयोजना गर्न लागेको अन्तरनगर कराते प्रतियोगितामा कञ्चनपुरको बेलौरी नगरपालिकाले पनि सहभागिता जनाउने भएको छ ।
प्रतियोगिताका लागि छनौट भएका खेलाडीहरुलाई शुक्रबार विदाई गर्दै नगरप्रमुख पोतिलाल चौधरीले शुभकामना दिनुभयो । नगरप्रमुख चौधरीले २० जना सहभागी तथा प्रशिक्षकहरुलाई खादा लगाई विदाई गर्नुभएको छ ।
नगरप्रमुख चौधरीले खेलाडीहरुका लागि ३ जना प्रशिक्षकलाई पत्र सहित जिम्मेवारी सुम्पनु भएको छ । उहाँले खेलाडीको विदाई गर्दै लक्ष्य प्राप्तिको कामना गर्नुभयो ।
प्रतियोगितामा पुरुष र महिलातर्फ प्रथम हुने १०–१० जनालाई रु पाँच–पाँच हजारका दरले, दोस्रो हुने १०–१० जनालाई तीन–तीन हजारको दरले र तेस्रो हुने २०–२० जनालाई जनही एक हजार ५०० का दरले पुरस्कार, ट्रफी, मेडल र प्रमाणपत्र प्रदान गरिने छ । प्रतियोगितामा २० देखि ६० किलो समूहका फरकफरक खेलाडी र फ्रि काताको प्रतिस्पर्धा गराइने भएको छ ।
No comments:
Post a Comment