पुनर्वास, फाल्गुन २३
कञ्चनपुरको पुनर्वास नगरपालिकामा हात्ती पाइलेको औषधि खुवाउने कार्यक्रम जारी छ । पुनर्वास नगरपालिकाले सम्पुर्ण नगरवासीमा हात्तीपाइले विरुद्धको औषधि अनिवार्यरुपमा सेवन गर्न आग्रह गरेको छ । नगरपालिकाका प्रवक्ता भारमल सुनारले घातक रोग हात्ती पाइलेबाट बच्न औषधि अनिवार्य सेवन गर्न नगरपालिकाले आग्रह गरेको बताउनुभयो ।
कञ्चनपुरमा सातौँ चरण सम्पन्न भइसक्दा समेत हात्तीपाइले रोग विरुद्धको औषधी सेवन अभियान प्रभावकारी हुन सकेको छैन ।
सन् २०२० सम्ममा देशबाटै हात्तीपाइले रोग उन्मूलन गर्ने राष्ट्रिय लक्ष्य प्राप्तिका लागि यहाँ सातौँ चरणसम्म औषधी सेवन अभियान सम्पन्न भए पनि प्रत्येक अभियानमा औषधी नखानेको सङ्ख्या उल्लेख्य रहने गरेको पाइएको छ ।
औषधी सेवन गर्नेको सङ्ख्या सन्तोषजनक नहुनुले सरकारले लिएको हात्तीपाइले रोग उन्मूलनको लक्ष्य निर्धारित मितिमै पूरा गर्न कठीन रहेको स्वास्थ्यकर्मीको भनाइ छ । एक व्यक्तिले नियमित रूपमा ६ वर्षसम्म वर्षको १ पटक औषधी सेवन गरे हात्तीपाइले रोगको सङ्क्रमण निदान हुने तथा रोगबाट सङ्क्रमित हुने सम्भावना नरहने स्वास्थ्यकर्मीको भनाइ छ ।
No comments:
Post a Comment