असिनाले खेतिवालीमा पुर्याएको नोक्सानीको बिषयमा प्रदेश सरकारले चासोराख्न सांसद तारालामा तामाङको माग

हाम्रै साझा पत्रिका 

पुनर्वास, चैत ०१

         दुई साता अधि आएको भीषण असिनाले कञ्चनपुरको दक्षिणीभेग पुनर्वास र बेलौरी नगरपालिकाका केहि वडामा खेतिवाली पुर्ण तथा आंशिक नोक्सानी पुर्याएको छ । असिनाले खेतिवालीमा क्षतिपुर्याएपछी क्षतिपुर्ती सम्बन्धित वडा कार्यालयको अगुवाइमा क्षति विवरण संकलन गरिएता पनि स्थानीय सरकारले हाल सम्म कुनै क्षतिपुर्ती उपलब्ध गराउन सकेको छैन । असिना प्रभावित क्षेत्रको स्थलगत अवलोकन गरेका प्रदेश सभा सदस्य सांसद तथा नेकपा प्रदेश कमिटी संसदीय दलका प्रमुख सचेतक तारालामा तामाङले आज बसेको प्रदेश सभा बैठकमा असिनाले पुर्याएको क्षतिका बिषयमा प्रसंग उठाउनु भएको छ । उहाँले पुनर्वास, बेलौरी क्षेत्रमा आएको भीषण असिनाले बालीनाली र तरकारी खेतीमा क्षति पुर्याएको १६औं दिनसम्म पनि प्रदेश सरकारको ध्यानाकर्षण हुन नसकेको बताउनुभयो । उहाँले जनताको दु:खमा सरकारको अनुभूति नागरिकलाई गराउन आग्रह गर्नुभयो । लाखौं ऋण लिएर खेतिपाती गरेका कृषक अहिले निकै चिन्तापुर्ण स्थितिबाट गुज्रिनु परेको बिषयलाई उहाँले प्रदेश सभा बैठकमा उठाउनुभएको छ । 

 आज बसेको सुदुरपश्चिम प्रदेश सभाको बैठकमा रेशम चौधरी, सीके रावत देखि विप्लव समुह सम्मका प्रसंगहरु उठेका थिए । प्रदेश सभाको विशेष समयमा बोल्ने सांसदहरूले समसामयिक विषयमा सरकारको ध्यानाकर्षण गराए । संसदको विशेष समयमा बोल्दै सत्तापक्षकै प्रदेशसभा सदस्य लिलाधर भट्टले सरकार र मन्त्रालयका काम कारवाही प्रभावकारी रूपमा कार्यान्वयन नभएको बताउँदै यसमा मन्त्रालयले जवाफ दिनुपर्ने बताउनुभयो । प्रदेशसभा सदस्य देवकी मल्लले विप्लव समूहबाट आफू अपहरणमा परेको जानकारी गराउँदै विप्लवका गतिविधिप्रति आपत्ति जनाउनुभएको थियो ।

त्यस्तै, प्रमुख प्रतिपक्षी दलका प्रदेशसभा सदस्य कर्ण मल्लले मुख्यमन्त्री कपको व्यवस्थापनका विषयमा प्रश्न उठाए । साथै सरकारले बजेटमा घोषणा गरेभन्दा बाहेक थुप्रै योजनाहरू निर्वाचन क्षेत्रमा लगेर कार्यकर्ता पोस्ने काम भइरहेको आरोप लगाए । सरकार र सीके राउतबीचमा भएको सहमति पनि देशको हित विपरीत भएको भन्दै उनले आपत्ति जनाए । 

प्रतिपक्षी दल राजपाका प्रदेशसभा सदस्य कृणबहादुर चौधरीले टीकापुर घटनाका विषयमा कैलाली जिल्ला अदालतबाट भएको फैसलामा आफूहरूको सहमति नरहेको बताए । उनले रेशम चौधरीको जन्मकैदका विषयमा सरकारको ध्यानाकर्षण गराउँदा अर्का प्रदेशसभा सदस्य वीरमान चौधरीले नियमापत्ति जनाए । साथै, धेरै सांसदहरुले विभिन्न बिषयमा सरकारलाई ध्यानाकर्षण गराएका थिए ।