पुनर्वास, चैत १६
कञ्चनपुरको पुनर्वास नगरपालिका वडा नम्बर ६ मा रहेको जनजागरण कृषि सहकारी संस्थाले शेयर सदस्य तथा कृषकहरुका लागि एक दिने कृषि तालिम दिएको छ । शनिबार सहकारीको सभाहलमा सम्पन्न कार्यक्रममा उन्नत धान तथा लहरेवालीका बारेमा तालीम दिइएको छ ।
संस्थाका शेयर सदस्य समेत रहेका कृषि विज्ञ धिरन ऐरले कृषि तालिम दिएका थिए । दर्जनौं किसानहरुको उपस्थितिमा सञ्चालन भएको तालीममा कृषकहरुले धान तथा लहरेवाली बारे परामर्श लिए । कार्यक्रममा उपस्थित किसान, समाजसेवी, बुद्धिजीवी तथा सरोकारवालाहरुले आफ्नो मन्तव्य राख्नुभएको थियो । सल्लाहकार सदस्य रामचन्द्र नेपाल, संस्थाका अध्यक्ष शंकर बहादुर केशी, सचीव कृष्ण पन्डित, शेयर सदस्य लोकेन्द्र लम्साल लगायतले मन्तव्य राख्नुभएको थियोभने कार्यक्रमको सञ्चालन शेयर सदस्य हरि अधिकारीले गर्नुभएको थियो ।
सरकारको ठुलो लगानी रहेको यस सहकारीले यसैबर्षदेखि राइसमिल सञ्चालन गरेको छ । मसिनो तथा मोटो धान किनेर कुटाएर बेच्ने तथा बीउ प्रशोधन गर्ने उदेश्यले ३ बर्ष अगाडी नै स्थापना भएको मिल यस बर्षदेखि सञ्चालनमा आएको छ ।
धानको बीउ प्रशोधन गर्ने तथा धान कुटाउने आधुनिक प्रविधिको यस मिल सुदुरपश्चिमकै नमुना बनाउने लक्ष्य राखिएको छ । १० कठ्ठा जमिनमा फैलिएको सहकारीको जमीनमा प्रयाप्त संरचनाहरु छन । मिलबाट कुटाइएको ३ सय क्विन्टल मोटो धानको धान तथा ४ सय क्विन्टल मसिनो धानको चामल बिक्रि गरिएको सचीव पन्डितले बताउनुभयो ।
भारतबाट आउने चामलहरु भन्दा गुणस्तरीय, पौष्टिक तथा स्वादिलो हुने यहाँबाट उत्पादित मसिनो चामल ६५ रुपैयाँ किलो खुद्रा तथा थोकमा बिक्री भईरहेको छभने मोटो चामल ३६ रुपैया किलो उपलब्ध भएको सचीव पन्डितले बताउनुभयो । भारतबाट आउने चामल स्टिम गरेर कुटाईएको हुनाले चामल सग्लो आउने तर पौष्टिक नहुने उहाँ बताउनुहुन्छ । यहाँबाट उत्पादित चामल अलिकति महंगो पर्न गएतापनि गुणस्तरीयतामा ढुक्क हुन सकिने बताउनुभयो ।
No comments:
Post a Comment