भारतबाट चौतिस नेपाली पुनर्वास भित्रीए, आउने क्रम जारी

कञ्चनपुर, ७ जेठ ।
भारतबाट गौरीफण्टा नाका हुँदै आएका चौतिस जना पुनर्वासी आज गृह नगर पुनर्वास आईपुगेका छ्न । गौरीफण्टा नाका सम्म आईपुगेका चौतिस जनालाई ल्याउन पुनर्वास नगरपालिकाले टिप्पर पठाएको थियो ।

ती व्यक्तिहरुलाई आज पुनर्वास नगरपालिका वडानम्बर ६,१० र ११ का क्वारेन्टाइनमा राखिने र भोलि उहाँहरुको वडाकै क्वारेन्टाइनमा लगिने पुनर्वास नगरपालिकाका प्रवक्ता भारमल सुनारले जानकारी गराउनुभयो ।
भारतबाट आएका नगरवासीहरुलाई लिन नगरप्रमुख जीवनराज थापा र नगर प्रवक्ता भारमल सुनार स्वयं उपस्थित हुनुभएको थियोे । उहाँहरुले भारतबाट आएका पुनर्वासीहरुको हालखबर सोध्नु भएको थियोे ।
"आज चौतिस जना आईपुगे। आउने क्रम रोकिएको छैन । भोलि पनि आउँदै छ्न। सबै आईसकेपछी स्वास्थ्य परिक्षण गरि क्वारेन्टाइनमा राखिने छ " नगरप्रवक्ता भारमल सुनारले जानकारी गराउनुभयो ।