उनीहरु सीमामा आउँदा नेपाल प्रवेश नाका बन्द भइसकेको थियो । त्यसपछि दुवैजना झुलाघाटस्थित जीआईसी क्वारेन्टाइनमा बसे । स्वदेशको साँधमै अड्किएका दुवैले घरमा फोन गरी पीर नमान्नु भन्दै जानकारी गराएका थिए । घर फर्कने आशामा बसेका दुवैजना अचानक बुबा बितेको खबर पाएपछि बेहोसझैं बने ।
बुबाको अन्तिम संस्कारमा जान उनीहरु हारगुहार गरेका थिए । तर, नेपाल प्रवेश गर्न सहज नहुँदा प्रवासको शिविरमै दुवैजना सेतो कपडामा किरियामा बसेका छन् । बुबाको दाहसंस्कारमा त उपस्थित हुन पाएनन् नै नेपाल प्रवेशको अनुमति नपाएपछि क्वारेन्टाइनमै किरिया बसेका छन् । भट्टद्वयका बुबा देवदत्तको गत वैशाख ३१ गते निधन भएको थियो ।
यस्तै पुर्चौडी नगरपालिका ७ का ठगी साउदकी आमा भुरी साउदको पनि यही जेठ १ मृत्यु भएको भए पनि नाका सिल हुँदा उनी झुलाघाटमै किरिया गरिरहेका छन् । यसका साथै सिगास गाउँपालिका ९ का कृष्णसिंह धामीकी श्रीमती कलावती धामी गत वैशाख ३० गते बिते पनि कृष्ण स्वदेश फर्कन पाएका छैनन् । स्वदेश फिर्ताका लागि सम्बन्धित सबैलाई आग्रह गरेका उनीहरुले झुलाघाटस्थित जीआईसी क्वारेन्टाइनमा किरिया गरिरहेका भारतीय पत्रकार प्रमोदकुमार भट्टले जानकारी दिए ।
यता बैतडीका प्रमुख जिल्ला अधिकारी आनन्द पौडेलले उनीहरुलाई नेपालतर्फबाट आफूहरु स्वदेश भित्र्याउन तयार रहेको बताए । “नेपाल सरकारबाट किरियापुत्रीको उद्धारका लागि आदेश आएको भए पनि भारतीय पक्षले ढिलाइ गरिरहेको छ,” उनले भने, “हामीले पिथौरागढको डीएम साबलाई चार दिनअगाडि पत्र काटिसकेका छौँ, भारतीय पक्ष सहमत हुँदा नाका खोली उनीहरुलाई स्वदेश भित्र्याउँछौँ ।” यसअघि लकडाउनकै बेला वैशाख १० गते पनि बैतडीका तीन किरियापुत्रीको झुलाघाट नाकाबाट उद्धार गरिएको थियो । -रासस
No comments:
Post a Comment