कञ्चनपुर, ५ जेठ ।
पुनर्वास नगरपालिकाका नगरप्रमुख जीवनराज थापाले सोमबार पुनर्वास ११ स्थित राष्ट्रिय माध्यमिक विद्यालयमा निर्माण गरिएको क्वारेन्टाइनको अनुगमन तथा निरीक्षण गर्नुभएको छ । त्यस क्रममा नगरप्रमुख थापाले क्वारेन्टाइनमा बसीरहेका व्यक्तिहरुसंग प्रत्यक्ष भेटी कुराकानी गर्नुभएको थियोे । उहाँले क्वारेन्टाइनमा रहेका व्यक्तिहरुको कुनै समस्या भए समाधान गर्न नगरपालिका हमेशा तयार रहेको बताउनुभएको थियोे ।
पुनर्वासका तीन वटा क्वारेन्टाइनमा भारतबाट गौरीफण्टा नाका हुँदै फर्केका चवालीस जना व्यक्तिहरुलाई राखिएको छ । जसमध्ये पुनर्वास ११ स्थित राष्ट्रिय माध्यमिक विद्यालयको क्वारेन्टाइनमा सात जना, पुनर्वास ६ स्थित जीवनज्योती माध्यमिक विद्यालयको क्वारेन्टाइनमा चौध जना र पुनर्वास ८ स्थीत बागिश्वरी माध्यमिक विद्यालयको क्वारेन्टाइनमा तेईस जना राखिएको छ । जीवनज्योती र बागीश्वरीका क्वारेन्टाइनमा भने नगरउपप्रमुख शारदा विष्टले अनुगमन गर्नुभएको थियोे ।
भोलि मंगलबार नगरप्रमुख जीवनराज थापा खाद्यान्न र स्वास्थ्य सामाग्री सहित विभिन्न क्वारेन्टाइनमा अनुगमनका निम्ति जाने कार्यक्रम रहेको पुनर्वास नगरपालिकाका प्रवक्ता भारमल सुनारले हाम्रै साझा पत्रिकालाई जानकारी गराउनुभयो ।
अनुगमन तथा निरीक्षणमा नगरप्रमुख जीवनराज थापाका साथै नगर प्रवक्ता भारमल सुनार, पुनर्वास ११ का वडाध्यक्ष तुलसी अर्याल र लालझाडी युवा क्लवका अध्यक्ष काशीराम बोहराको सहभागीता थियो ।
No comments:
Post a Comment