पुनर्वासका पदम थोकरको पोखरामा दुर्घटनामा परी मृत्यु

कञ्चनपुर, १४ जेठ ।
पोखरामा मजदुरी गर्दै आएका पुनर्वास नगरपालिका २ दशरथ बस्तीका पदम थोकरको गत सोमबार पोखरामा दुर्घटनामा परी मृत्यु भएको छ ।
मृत्युको समाचार प्राप्त भएसंगै परिवारजन शोकमा डुबेको छ ।
अत्यन्त कमजोर आर्थिक अवस्था भएका थोकरको घरमा श्रीमती सहित नाबालक एक छोरा र एक छोरी रहेका छ्न । कमाउने घरमूलिको नै मृत्यु भएपछि नाबालक छोराछोरीको भविष्य अन्धकार बनेको छ ।
देशमा जारी लकडाउन र त्यसमाथी कमजोर आर्थिक अवस्थाका कारण लास ल्याउन गाह्रो भएकाले उतै सदगत गर्ने पारीवारिक सल्लाह भएपश्चात आज बुधबार परिवारका सदस्य र गाउँलेहरु पोखरातर्फ लागेका छ्न ।

पोखरा महानगरपालिका १८ सेदी स्थित निर्माणाधिन एक अपार्टमेण्टमा काम गर्ने क्रममा गत सोमबार ढुंगा खसी गम्भीर  घाईते भएका थिए । घाइते थोकरलाई उपचार गर्न पश्चिमाञ्चल क्षेत्रिय अस्पताल लगीए पनि उपचारकै क्रममा निधन भएको परिवारीक श्रोतले जनाएको छ । मृतकको शव पश्चिमाञ्चल क्षेत्रिय अस्पताल पोखरामा रहेको छ ।