कञ्चनपुर, १३ जेठ ।
जिल्लाको दक्षिणी क्षेत्र अन्तरगत लालझाडी गाउँपालिका वडानम्बर ६ रामेश्वर विद्यालयको क्वारेन्टाईनमा बस्दै आएका दुई जनामा आरडिटी टेष्ट पोजेटिभ देखिएको छ ।
आज (मंगलबार) गाउँपालिकाले गरेको आरडिटी परीक्षणमा दुई जनामा रिपोर्ट पोजेटिभ देखिएको गाउँपालिका वडा नम्बर ६ का वडा अध्यक्ष फुलाराम चौधरीले बताए । उनका अनुसार दुई जनामा रेपिड टेष्ट पोजेटिभ देखिएको हाे ।
केही समय अघि भारतबाट फर्किएका २० र ३० बर्षिया युवकमा आरडिटी पोजेटिभ देखिएपछि उनीहरुलाई प्रहरीको निगरानी सहित विशेष कक्षमा छुट्टै राखिएको इलाका प्रहरी कार्यालय बेलाैरीका प्रहरी निरीक्षक रण बहादुर चन्दले बताए ।
उनीहरू गत बैशाख ३१ गते भारतको हरियाणाबाट आएको समेत प्रहरी निरीक्षक चन्दले बताए। आरडिटी पाेजेटिभ देखिएपछि थप पिसिआर परीक्षणका लागि स्वाब नमुना संकलनको गरिएको छ ।
लालझाडी गाउपालिकाका अध्यक्ष मदन सेन बडायकले समाजिक दुरी कायम गर्दै नेपाल सरकारले गरेको लकडाउनकाे पुर्ण रुपमा पालना गर्न सम्पूर्ण गाउँवासीमा अनुरोध गरेका छन् ।
No comments:
Post a Comment