कोरोना अपडेट: नेपालमा कोरोना संक्रमित ६७५ पुग्यो

काठमाडौं, जेठ १२ ।
स्वास्थ्य तथा जनसंख्या मन्त्रालयले विश्वव्यापी महामारीको रुपमा फैलिएको कोरोना भाइरस (कोभिड-१९) को अपडेट दैनिक गराउँदै आएको छ। नियमित पत्रकार सम्मेलनमार्फत् मन्त्रालयका प्रवक्ता डा. विकास देवकोटाले कोरोना अपडेटको विषयमा औपचारिक जानकारी दिँदै आएका छन्। 
सोमबार दिउँसोसम्म थप ७२ जनामा कोरोना संक्रमण देखिएको छ।यो सहित कोरोना संक्रमितको संख्या ६७५ पुगेको छ। हालसम्म सय बढी जना निको भएका छन् भने कोरोनाका कारण ४ जनाको मृत्यु भइसकेको छ।