पुनर्वासमा थप २ जनामा देखियो कोरोना पोजेटिभ, तीन जना कोरोना जितेर फर्कदै

-सुनिलकुमार लो
कञ्चनपुर, ८ असार ।
पुनर्वास नगरपालिकामा पछिल्लो २४ घण्टामा थप २ जनामा कोरोना पोजेटिभ देखिएको छ । केही दिन अघि लिईएको पिसिआर रिपोर्टको परिणाम आउँदा दुई जनामा कोरोना पोजेटिभ देखिएको हो । आज पोजेटिभ देखिएका दुई पुरुषहरु ४९ र २१ बर्षका छ्न । सेती प्रादेशिक अस्पताल, धनगढीको कोरोना भाईरस उपचार र परिक्षण सम्बन्धि सोमबारको प्रेस विज्ञप्तिमा सो कुरा उल्लेख छ । सेती प्रादेशिक अस्पतालमा पुनर्वासका छ जनाको आईसोलेसनमा उपचार भईरहेको पनि जनाईएको छ । यो संगै पुनर्वास नगरपालिकामा २३ जनामा कोरोना पोजेटिभ पुष्टि भएको छ ।

कोरोना पोजेटिभ देखिदै गर्दा कोरोनालाई जित्नेको संख्या पनि पुनर्वास बढदो छ ।
सोमबार कोरोनालाई पराजित गरि तीन जना पुरुषहरु घर फर्कदै छ्न । आज कोरोना पराजित गरि घर फर्कने व्यक्तिहरु पुनर्वास ९ का हुन । ती व्यक्तिहरु हरि बिक (बर्ष २०),श्यामलाल सुनार(बर्ष ४३) र बिरेन्द प्रसाद जैसी ( बर्ष३१) रहेका छ्न । निजहरु विगत १६ दिनदेखि महाकाली अञ्चल अस्पताल भिमदत्तनगरमाको आईसोलेसनमा बसिरहेका थिए । कोरोनाको कुनै लक्षण नदेखिए पछि निजहरूलाई घर फर्काइएको पुनर्वास नगरपालिकाका प्रवक्ता भारमल सुनारले बताएका छ्न ।
यस अघि पुनर्वास नगरपालिकामा सात जनाले कोरोनालाई पराजित गरिसकेका छन । कोरोना पराजित गर्नेहरूमा प्रयोगशालाकर्मीद्वय जनकसिंह धामी(३३) र
दुर्गादत्त भट्ट (३९) पुनर्वास ६, झक बहादुर तिवारी(५२) पुनर्वास ५, कमल थापा(३३) पुनर्वास ५,लालसिह सुनार (३४) पुनर्वास ९, सन्तोष सुनार(३०) पुनर्वास ९ र अमित कुमार जैसी(२८) पुनर्वास ९ रहेका छ्न ।
यसरी कोरोनालाई पराजित गर्ने भाग्यमानीहरुको संख्या १० पुगेको छ ।
हालसम्म पुनर्वास नगरपालिकामा आरडिटी परिक्षण १५४२ जनाको भईसकेको छ, जसमा १४५६ को नेगेटिभ आएको छ भने ८६ जनाको पोजेटिभ आएको छ । त्यसैगरी पिसिआर परिक्षण १३८ जनाको भएको मध्ये ७९ जनाको रिपोर्ट नेगेटिभ र २१ जनाको पोजेटिभ आएको छ । ४८ जनाको पिसिआर परिक्षणको रिपोर्ट आउन अझै बाँकी छ ।
पिसिआर पोजेटिभ आएका बिरामीहरु मध्ये १० जना सञ्चो भएका छ्न भने बाँकी ११ जनाको सेती प्रादेशिक अस्पताल र महाकाली अञ्चल अस्पतालको आईसोलेसनमा उपचार चलिरहेको छ ।