बर्दियामा बाढिको जोखिम उच्च, सतर्कता अपनाउन सबैलाई आग्रह।

 

कृष्ण ब बुढा 

बर्दिया श्रावण १४।

 बुधबार राती देखि नै अविरल बर्षा सुरु भए सँगै नदिमा बहाव बढेपछि बर्दियाको विपद् व्यवस्थापन समितिले बर्दिया वासीलाई सर्तक रहन आहवान गरेको छ ।

 नदिमा पानीको बहाब उच्च बिन्दुतिर गएको भन्दै बिपद व्यवस्थापन समिति नदि तथा तटीय क्षेत्रका बासिन्दालाई सजक रहन अपिल गरेको हो । जल तथा मौसम पूर्वानुमान महाशाखाले पनि देशभर रातिदेखि नै पानी परिरहेको र केही ठाउँमा ठूलो पानी पर्ने सम्भावना रहेको जनाएको छ ।

 अहिले कर्णाली नदी चिसापानीको बाढी मापन केन्द्रमा जलसतह विहान ९.४० वजे १०.२ मिटर रहेको बताएको छ । मापन केन्द्रले सतर्कता तह १० मिटर, चेतावनी तह १०.८ मिटर भएकोमा नदीको बहाब सतर्कता तह पार गरिसकेको र बढ्दो क्रममा रहेको जानकारी गराएकोछ । थपमा कर्णाली नदी तथा साना सहायक नदीहरुको तल्लो तटिय क्षेत्रमा साँझसम्म उच्च सतर्कता अपनाउनु हुन र होचो तथा डुवान क्षेत्रका वासिन्दाहरु सुरक्षित स्थानमा रहन अनुरोध गरेको छ । । 

 उक्त स्थितिलाई मध्यनजर गर्दै केन्द्रले नदीमा काठ दाउरा छोप्ने , माछा मार्ने जस्ता कार्य नगर्न नगराउनु हुन सबैमा बर्दिया निवासीलाई पनि आग्रह गरेको छ ।

हेर्नुहोस यस्तो अनुरोध !