बर्दियामा एउटै घरका ४ सहित ६ जनामा कोरोना पुष्टि !

 

कृष्ण बा बुढा भाद्र १९ बर्दिया \ बर्दियाको बारबर्दियामा एउटै घरका चार सहित एउटै वडाका ६ जनामा कोरोना संक्रमण पुष्टि भएको छ । भेरी अस्पताल नेपालगन्जको कोरोना प्रयोगशालामा गरिएको परिक्षणमा शुक्रबार बारबर्दियाको वडा नम्वर ३ का ६ जनामा कोरोना संक्रमण पुष्टि भएको हो ।                                                                                       स्वास्थ्य कार्यालय बर्दियाका प्रमुख गोकर्ण गिरीका अनुसार भदौ १३ गते बारबर्दिया नगरपालिका–३ घर भएका २५ बर्षीय व्यक्तिमा कोरोना पोजेटिभ देखिएपछि उनको सम्पर्कमा आएका व्यक्तिहरुको परिक्षण गर्दा शुक्रबार उनको घरका चार जनामा कोरोना संक्रमण पुष्टि भएको हो । ‘त्यस्तै, सोही वडाका अन्य २ जनामा पनि संक्रमण पुष्टि भएको छ ।’ उनले भने । शुक्रबार संक्रमण पुष्टि भएका मध्य बारबर्दिया ३ का एक महिला र ५ पुरुष गरी ६ जना रहेका छन । यो संगै बर्दियामा कोरोना संक्रमितको कुलसंख्या ३ सय ५७ पुगेको छ ।