बाँसगढीमा ट्रकले मोटरसाइकललाई ठक्कर दिदा श्रीमतीको मृत्यु, श्रीमान् गम्भिर घाइते !

 

कृष्ण बा बुढा असोज ३० बर्दिया /बर्दियाको बाँसगढी नगरपालिका ३ उत्तरभकारीमा ट्रकले मोटरसाइकललाई ठक्कर दिदा एक जनाको मृत्यु भएको छ भने अर्को एक गम्भिर घाइते भएका छन् । कोहलपुरबाट बाँसगढीतर्फ गइरहेको भे १ प ८७४३ नम्बरको मोटरसाइकललाई सोही दिशातर्फ नै गइरहेको ना ६ ख ४९०० नम्बरको ट्रकले किच्दा उक्त दुर्घटना भएको इलाका प्रहरी कार्यालय बाँसगढीले जानकारी दिएको छ।                                                                             मोटरसाइकलमा सवार बारबर्दिया नगरपालिका ९ की ४० वर्षिया लाली थारुको घटनास्थलमा नै मृत्यु भएको बाँसगढी प्रहरीले जनाएको छ । मोटरसाइकल चालक उनका श्रीमानलाई उपचारका लागि मेडिकल कलेज कोहलपुर ल्याइएको छ । मृतक महिलाको शवं अहिले घटनास्थलमा नै रहेको छ ।