असई गोविन्द बिकको अन्त्येष्टि यसरी गरीयो (फोटो फिचर सहित)

कञ्चनपुर, ३ कार्तिक ।
ड्युटीको क्रममा ज्यान गुमाएका असई गोविन्द बिकको  अन्त्येष्टि सोमबार गरिएको छ । पुनर्वासको दोदा नदीमा आज शोक सलामी सहित उच्च सम्मानका साथ मृतक बिकको अन्त्येष्टि गरिएको हो । कैलालीको जुगेडामा रहेको अस्थायी प्रहरी विटका इन्चार्ज रहेका  प्रहरी सहायक निरिक्षक असई गोबिन्द बिक गत कार्तिक २ गते नेपाल–भारत सीमा स्थित मोहना नदीमा  मृत अवस्थामा भेटिएका थिए ।

मृतक  बिकको पार्थिक शरिरमा सुदूरपश्चिम प्रदेशका प्रमुख प्रहरी नायब महानिरिक्षक उत्तमराज सुवेदीले झण्डा ओढाउँदै अन्तिम श्रद्धाञ्जली व्यक्त गरेका थिए ।

त्यसैगरी सभासद तारालामा तामाङ सहित दलित अगुवाहरु अन्त्येष्टिमा सामेल भएका थिए ।
पुनर्वास ९ का वासिन्दा बिकको मृत्युले अहिले पुनर्वास शोकमा डुबेको छ । उनको श्रीमती र दुई छोरी (७ बर्ष र ३ बर्ष) छ्न ।

प्रहरीले प्रारम्भिक अनुसन्धानमा घाँटीमा धारिलो हतियार प्रहार गरेर बिकको हत्या भएको जनाएको छ । उनीसंगै गस्तीमा गएका प्रहरी जवान रामसिंह साउदको अवस्था भने हालसम्म थाहा हुन सकेको छैन ।