कञ्चनपुर, ७ कार्तिक ।
हिन्दुहरुको महान पर्व वडादशैको अवसर पारेर लालझाडी गाउँपालिकास्थित लालझाडी सामुदायिक स:मिल तथा फर्निचर उद्योगले विहिबार शुभकामना आदानप्रदान कार्यक्रमको आयोजना गरेको छ । उद्योगको प्राङ्गणमा सम्पन्न भएको उक्त शुभकामना आदानप्रदान कार्यक्रमको सभापतित्व मिलका अध्यक्ष अमरसिंह रानाले गर्नुभएको थियोे । प्रमुख अतिथिको आसनमा लालझाडी गाउँपालिकाका अध्यक्ष मदनसेन बडायक हुनुहुन्थ्यो । त्यसैगरी विशिष्ट अतिथिको रुपमा nnswa का प्रतिनिधि रोशन चौधरी, वनरक्षक राजेश चौधरी र शंकरपुर ईप्रका प्रमुख तिलक बहादुर सिंह हुनुहुन्थ्यो ।
अतिथिका रुपमा विभिन्न सामुदायिक वनका अध्यक्ष तथा प्रतिनिधिहरुको उपस्थिति थियोे । कार्यक्रममा आफ्नो मन्तव्य राख्नुहुँदै लालझाडी गाउँपालिकाका अध्यक्ष मदनसेन बडायकले स:मिलको सञ्चालन कानून सम्मत र मर्यादित बनाउनु पर्ने कुरामा जोड दिनुहुँदै मिल सञ्चालनमा समस्या देखिए पालिकाको तर्फबाट यथासक्य सहयोग गर्ने बताउनुभयो । त्यस अवसरमा सामुदायिक वनहरुले समयमै साधारण सभा गर्न समेत अध्यक्ष बडायकले जोड दिनुभयो ।
मिलका अध्यक्ष अमरसिंह रानाले उपस्थित सबैलाई धन्यवाद दिदै वडादशैंको शुभकामना प्रदान गर्नुभएको थियो ।
कार्यक्रममा स्वागत मन्तव्य स:मिलका सदस्य द्रोपती बोहराले राख्नुभएको थियोे । कार्यक्रमलाई सचीव तेजराज तिरुवाले सञ्चालन गर्नुभएको थियो ।
No comments:
Post a Comment