पुनर्वासमा मोटरसाइकलको ठक्करबाट एक जनाको मृत्यु

कञ्चनपुर, १९ असोज ।
पुनर्वासमामा मोटरसाइकलको ठक्करबाट एकजना व्यक्तिको मृत्यु भएको छ । हुलाकी राजमार्ग अन्तरगत  पुनर्वास नगरपालिका वडानम्वर १ स्थित बलभद्र बस्तीमा स्थानीय मदन तामाङले चलाएको से ६ प २९२८ नम्वरको मोटरसाइकलको ठक्करबाट  सोही ठाउँका सिंहबहादुर तामाङको मृत्यु भएको हो ।
उनको सेती प्रादेशिक अस्पतालमा उपचारका क्रममा मृत्यु भएको र अर्का पैदल यात्री ५५ बर्षीय बलवहादुर तामाङ पनि सोही मोटरसाईकलको ठक्करबाट घाईते भएका छन्। उनको धनगढीस्थित माया मेट्रो अस्पतालमा उपचार भईरहेको छ। 
 जिल्ला प्रहरी कार्यालय कञ्चनपुरका प्रवक्ता तथा प्रहरी नायव उपरिक्षक अमरवहादुर थापाले यसबारेमा जानकारी गराएका हुन ।