खुट्टाको समस्याले अस्पताल पुगे ३५ वर्षीय पुरुष, कोरोनाले गयो ज्यान !

 

कृष्ण बा बुढा असोज २५ बर्दिया /कोरोना भाइरसको संक्रमणबाट ३५ वर्षीय पुरुषको ज्यान गएको छ । बर्दियाको बाँसगढी नगरपालिका-८, का ३५ वर्षीय पुरुषको वेस्टर्न अस्पताल नेपालगञ्ज बाँकेमा मृत्यु भएको छ । ती पुरुष खुट्टाको जोर्नी फुस्केको समस्या लिएर कात्तिक २३ गते बेलुकी अस्पताल भर्ना भएका थिए । हिजो बेलुकी ५ बजे कोरोना संक्रमण पुष्टि भएको र कोरोना पुष्टि भएको तीन घण्टापछि उनको एक्कासी मृत्यु भएको अस्पतालले जनाएको छ । दुर्घटना भएर खुट्टाको जोर्नी फुस्केपछि उनी उपचारका लागि अस्पताल पुगेका थिए । उनमा अन्य कुनै पनि स्वास्थ्य समस्या थिएन ।