निर्मला हत्या प्रकरणमा विवादमा परी बर्खास्त हुन पुगेका एसपी डिल्लीराज विष्टलाई सरकारले पुर्नवहाली गर्ने निर्णय गरेको छ । बुधबार साँझ बसेको मन्त्रिपरिषदको बैठकले एसपी विष्टलाई पुर्नवहाली गर्ने निर्णय गरेको हो ।
कञ्चनपुरकी १३ वर्षीया बालिका निर्मला पन्तको बलात्कार र हत्या काण्डपछि निलम्बनमा परेका प्रहरी उपरीक्षक (एसपी विष्ट) बर्खास्तमा परेका थिए । प्रहरी प्रधान कार्यालयको पत्र अनुसार गृहमन्त्रालयले विष्टलाई बर्खास्त गरेको थियो । बर्खास्तमा परेका एसपी विष्ट र प्रहरी निरीक्षक जगदिश भट्टले पुनर्वहालीको माग गर्दै मन्त्रिपरिषदमा निवेदन दिएका थिए ।
पन्तको बलात्कारपश्चात् हत्या अनुसन्धानमा चरम लापरबाही गरेको भन्दै उनीहरू दुवैलाई तत्कालिन प्रहरी महानिरीक्षक सर्वेन्द्र खनालले उनीहरुलाई प्रहरी सेवाबाट निष्कासन गर्न गृहमन्त्रालयलाई पत्राचार गरेका थिए ।
गृह मन्त्रालयले एसपी विष्ट र प्रहरी निरीक्षक भट्टलाई भविष्यमा सरकारी सेवामा अयोग्य नहुनेगरी सेवाबाट हटाएको थियो । आफूहरुलाई अन्याय भएको भन्दै उनीहरु दुवैजनाले त्यसबेलै कानुनी उपचार खोज्ने बताएका थिए ।
हटाएको ३५ दिनभित्र पुनर्वहालीको लागि मन्त्रिपरिषदमा निवेदन दिनुपर्ने प्रावधानअनुसार दुवैले निवेदन दिएका थिए ।
No comments:
Post a Comment