पुनर्वास ६ का वडासदस्य पृथ्वी गुरुङको निधन

कञ्चनपुर, माघ २ ।
पुनर्वास नगरपालिका ६ का वडासदस्य पृथ्वी गुरुङको निधन भएको छ । बुटवलको एक अस्पतालमा उपचाररत गुरुङको आज बिहान एघार बजेतिर मृत्यु भएको हो ।
करीब दुई हप्ता अघि पुर्व पश्चिम राजमार्गको गोरुसिंगे नजिकै मोटरसाइकल दुर्घटनामा परेर उनी गम्भीर घाइते भएका थिए  ।

पैंतालीस वर्षीय गुरुङ   नेपाली काङ्ग्रेसका तर्फबाट विजयी वडानम्बर छ का एकमात्र वडा सदस्य थिए । यसका साथै नेपाली काङ्ग्रेसका क्षेत्रीय प्रतिनिधि समेत थिए ।
सबैसँग मिल्नसक्ने हँसिला स्वभावका गुरुङको उपचारार्थ पुनर्वासका युवाहरुले सहयोग रकम जुटाईरहेका थिए ।