कञ्चनपुर, १३ साउन ।
नेकपा एमालेका नेता खेम सुवेदीको विशेष पहलमा स्वास्थ विभागबाट ल्याईएको स्वास्थ्य सामाग्री लालझाडी गाउँपालिकालाई हस्तान्तरण गरिएको छ।
मंगलबार एक कार्यक्रम बिच नेता सुवेदीले लालझाडी गाउँपालिकाका उपाध्यक्ष सत्यदेवी महरा र लालझाडी स्वास्थ्य चौकी प्रमुख हेमराज रानालाई सो स्वास्थ्य सामाग्री हस्तान्तरण गर्नुभयो । हस्तान्तरण गरीएका सामाग्रीहरुमा भरी सिलिन्डर ३ थान, कन्सन्ट्रेटर १ थान,फेससिल्ड ५० थान, ग्लोब्स २०० थान,मास्क ४०० थान, थर्मलगन, सेनिटाईजर २५ लि. गाउन ५० थान र अक्सिमिटर लगायतका सामाग्री रहेका थिए ।
कार्यक्रममा नेकपा एमालेका स्थानीय नेता निर्मल राना, करमसाय राना,रामकुमार आचार्य,जवाहर राना, लालसिंह राना लगायत सर्वासाधारणको उपस्थिति थियोे ।
कार्यक्रममा बोल्दै नेता खेम सुवेदीले कोरोना महामारीका विरुद्ध लडन सबैले आ-आफ्नो ठाउँबाट सक्रियतापूर्वक लाग्नुपर्ने बताउनुभयो । कार्यक्रमको सञ्चालन लालझाडीका स्वास्थ्य प्रमुख यज्ञबहादुर धामीले गर्नुभएको थियो ।
No comments:
Post a Comment