प्याब्सन पुनर्वासको दोश्रो नगर अधिवेसन सम्पन्न

कञ्चनपुर, ३१ भाद्र ।

निजी तथा आवासीय विद्यालय अर्गनाइजेसन नेपाल (प्याब्सन) पुनर्वास नगर समितिको दोश्रो नगर अधिवेशन बिहिवार सम्पन्न भएको छ । त्रिभुवन बस्तीको सभाहलमा एक कार्यक्रमको आयोजना गरि सो अधिवेशन सम्पन्न गरिएको हो ।  

प्याब्सन पुनर्वास नगर समितिका अध्यक्ष बालकृष्ण ढकालको  सभापतित्व,प्याब्सन सु.प. सल्लाहकार विश्वनाथ विष्टको प्रमुख आथित्यमा सो अधिवेशन भएको थियो । विशिष्ट अतिथिका रुपमा प्याब्सन सु.प. सहसचीव राजेन्द्र प्रसाद अधिकारी र सु.प. लेखा सदस्य नरेन्द्र प्रसाद गौतमको उपस्थिति थियोे । त्यसैगरी अतिथिका रुपमा प्याब्सन कञ्चनपुरका सहसचिव भीम श्रेष्ठ लगायत पुनर्वास नगरपालिका क्षेत्रका निजी तथा आवासीय विद्यालयका प्रीन्सिपल तथा विद्यालयका प्रतिनिधिहरुको उपस्थिति थियोे । कार्यक्रममा बोल्दै प्याब्सन पुनर्वासका अध्यक्ष तथा कार्यक्रमका सभापति बालकृष्ण ढकालले महेन्द्रनगरको अवस्था भन्दा पुनर्वासका नीजी विद्यालयहरुको अवस्था राम्रो रहेको जिकिर गर्दै पुनर्वास नगरपालिकाले निजि विद्यालयहरुलाई सहयोग गरीरहेकोमा खुशी व्यक्त गरे ।