पुनर्वासमा तीब्र रुपमा फैलिदै कोरोना संक्रमण

कञ्चनपुर/३ माघ ।

पुनर्वासमा तीब्र रुपमा कोरोना संक्रमण फैलिन थालेको छ । केहि दिन यता संक्रमितको संख्या बढन थालेपछि स्थानीय स्वास्थ्य संस्थामा बिरामीहरुको चाप बढन थालेको छ । यसैक्रममा हिजो माघ २ गते पुनर्वासको अस्थायी कोभिड हस्पिटलमा  शंका लागि चेक गर्न आउने १३ जना बिरामीहरु मध्ये एन्टिजेन मार्फत चेक गर्दा १२ जना बिरामीहरुमा कोभिड १९ को संक्रमण देखिएको अस्थायी कोभिड हस्पिटलका ल्याब असिस्टेन्ट जनक धामीले आफ्नो फेसबुकमा उल्लेख गरेका छ्न । साथै उनले सबैलाई  भिडभाडमा नजान तथा आफू सुरक्षित रहन र अरुलाई पनि सुरक्षित राख्न समेत आग्रह गरेका छ्न ।