पुनर्वासका एक युवाको मोटरसाइकल दुर्घटनामा निधन

कञ्चनपुर, २५ भदौ ।

पुनर्वासका एक युवाको मोटरसाइकल दुर्घटनामा परि निधन भएको छ । निधन हुनेमा पुनर्वास २ अरनिको बस्तीका बल बहादुर तामाङ (सुगम) रहेका छ्न । 

शुक्रबार विहान काठमाडौंको चन्द्रागिरी नगरपालिका–२ नागढुङ्गा नजिकै तामाङ सवार   सुपप्र ०१–११ प २८५८ नम्बरको नीलो एपाचे मोटरसाइकललाई ना  ४ ख १०६२ नम्बरको ट्रकले ठक्कर दिदा सो दुर्घटना भएको हो । ठक्कर पश्चात् सख्त घाईते भएका तामाङलाई राष्ट्रिय ट्रमा सेन्टरमा लगिएको थियो । जहाँ चिकित्सकले उनलाई मृत घोषित गरेका थिए । मृतक तामाङ आफन्तलाई भेटघाट गर्न काठमाडौ गएका थिए । उनको घरमा श्रीमती सहित एक छोरा र एक छोरी तथा वृद्ध बुवाआमा रहेका छ्न । उनी अट्ठाईस वर्षका थिए ।