कञ्चनपुर,१० पुस
बेलडाँडीमा लागू औषध तथा मदिरा नियन्त्रण सम्बन्धि जनचेतनामूलक कार्यक्रम सम्पन्न भएको छ । बेलडाँडी ३ स्थीत राधाकृष्ण जनप्रिय आधारभूत विद्यालयको प्राङ्गणमा सम्पन्न सो कार्यक्रमको अध्यक्षता बेलडाँडी गाउँपालिकाका उपाध्यक्ष शान्ति नाथले गर्नुभएको थियो ।
लागू औषध ओसारपसारका लागि उच्च जोखिम क्षेत्र मानिएको तथा सिमावर्ति भारतीय सिमानाकासंग जोडिएको बेलडाँडी गाउपालिका ३ झिलमिलामा उक्त कार्यक्रम को आयोजना गरिएको हो । कार्यक्रममा बेलडाँडी गाउँपालिका उपाध्यक्ष शान्ति नाथले सिमा क्षेत्रबाट तिब्र रूपमा बढ्दै गईरहेको प्राणघातक लागू औषध ओसारपसार नियन्त्रण गर्न सम्पूर्ण सरोकारवाला लाग्नुपर्ने कुरामा जोड दिनुभयो ।
लागुपदार्थ दुर्व्यसनलाई समाजबाट हटाउन विभिन्न किसिमका कार्यक्रमहरू सञ्चालन गरी व्यक्ति तथा समुदायलाई आफ्नो बारेमा सोच्न र सजग हुन सहयोग पुर्याउनुपर्ने समाजका सरोकारवालाको दायित्व रहेको उपाध्यक्ष नाथले बताउनुभयो ।
उपाध्यक्ष नाथले आफ्नो कार्यकालमा लागू औषध अवैध मदिरा नियन्त्रण गर्न कार्यविधि बनाई ठोस रणनीति अपनाई त्यसता कुलत न्यूनिकरण तर्फ कटिबद्ध भएर लाग्ने विषयमा जोड दिनुभयो ।
कार्यक्रममा बेलडाँडी गाउँपालिका अन्तर्गत लागु औषध दुर्व्यसन,यसको असर , यसबाट बच्ने उपायका बारेमा स्वास्थ्यकर्मी महेश खत्रीले विद्यार्थीहरुलाई सहजीकरण गर्दै लागु औषध नियन्त्रण तथा जिवनोपयोगी नैतिक एवं सामाजिक शिक्षा सम्बन्धि ज्ञान दिनुपर्ने बताउनुभयो ।
उहाँले लागुपदार्थ त्यस्तो पदार्थ हो,जसको सेवनले सेवनकर्ताले शारीरिक र मानसिक स्थितिमा प्रभाव पारेर प्रभावबाट सेवनकर्ता लठ्ठीने, उत्तेजित हुने, बर्बराउने, उन्मत्त हुने, शिथिल हुनेजस्ता अवस्थामा हुने जानकारी दिनुभएको थियोे ।
कार्यक्रममा बेलडाँडी गाउँपालिका अन्तर्गतका विभिन्न १४ विद्यालयका करिब सय जना विद्यार्थीहरुको सहभागीतामा रहेको थियाे।
कार्यक्रममा वडानम्बर ३ का अध्यक्ष दुर्गा चौधरी , नेकपा एमाले सुदूरपश्चिम प्रदेश कमिटी सदस्य कल्पना गिरी, नेकपा माओवादी केन्द्रका हरि प्रसाद शर्मा , महिला समाजसेवी फुल कुमारी राना, सुरक्षाकर्मी र पत्रकारहरुको समेत उपस्थिति रहेको थियोे ।
No comments:
Post a Comment