सरस्वती माध्यमिक विद्यालय मोतिबस्तीमा ‘सफल अभिभावकत्व सम्बन्धी’ एकदिने अभिमुखिकरण कार्यक्रम सम्पन्न

कञ्चनपुर/ पुनर्वास नगरपालिका–२ स्थित सरस्वती माध्यमिक विद्यालय मोतिबस्तीले सनिवार ‘सफल अभिभावकत्व  सम्बन्धी’ एकदिने अभिमुखिकरण कार्यक्रम गरेको छ।

कार्यक्रममा विद्यालयमा अध्यनरत विद्यार्थीहरुका अभिभावकहरुलाई आफ्ना बालबालिकाहरुलाई सत्मार्गमा कसरी हिड्न सिकाउने? घरमा कसरी शिक्षा दिने लगायत विषयमा शिक्षक, विद्यार्थी र अभिभावकहरूलाई ग्लोबल स्किल डेप्लपमेन्ट नेपालका प्रबन्ध निर्देशक क्षेत्र प्रसाद ज्ञवालीले अभिमुखिकरण दिएका थिए।

आफ्ना बालबालिकालाई शिक्षा प्रदान पहिलो थलो परिवार भएकोले अभिभावकले बालबालिकालाई राम्रो संस्कार सिकाउन अभिभावकको मुख्य जिम्मेवारी रहने प्रशिक्षक ज्ञवालीले बताए। 

कार्यक्रममा सरस्वती माध्यमिक विद्यालयका शिक्षक अभिभावक संघका अध्यक्ष मीन बहादुर तामाङ, पुनर्वास नगरपालिका–२ का वडाध्यक्ष डम्बर बहादुर थापा, विद्यालय व्यवस्थापन समितिका अध्यक्ष गगन बहादुर सुनार, विद्यालयका शिक्षक, अभिभावक र विद्यार्थीहरको उपस्थिति रहेको थियोे। 

शैक्षिक गुणस्तर उकास्नका लागि विद्यालयले यस शैक्षिक सत्रमा कक्षा १ देखि १० कक्षासम्म अंग्रेजी र नेपाली दुवै माध्यमबाट अध्यापन गराइने विद्यालयका प्रधानाध्यापक जितेन्द्र प्रसाद पौडेलले बताए।

 

कञ्चनपुरमा चर्को आलोचनापछि फेरियो च्यातिएको झण्डा

कञ्चनपुर, १६ बैशाख ।

भीमदत्त नगरपालिका–११ भुजेलास्थित नेपाल–भारत सीमामा च्यातिएको नेपाली राष्ट्रिय झण्डा फेरिएको छ। सीमामा च्यातिएको झण्डा टाँगिएको भन्दै चर्को आलोचना भएपछि शनिबार भीमदत्त नगरपालिकाले राष्ट्रिय झण्डा फेरेको हो। 

‘झण्डा च्यातिएको जानकारी आएपछि हिजो नै नगरपालिकासँग समन्वय गरिएको थियो, आज च्यातिएको झण्डा फेरिएको छ,’ प्रमुख जिल्ला अधिकारी (सीडीओ) गोपालप्रसाद अर्यालले भने, ‘सीमा क्षेत्रमा नयाँ राष्ट्रिय झण्डा फहराइएको छ।’

गड्डाचौकीस्थित नेपाल–भारत ७ नम्बर पिल्लर नजिक रहेको स्तम्भमा टाँगिएको राष्ट्रिय झण्डा हावाले च्यातिएको थियो। च्यातिएको झण्डा नफेरेको भन्दै नगरपालिकाको चर्को आलोचना भएको थियो। 

पुनर्वासको भागेश्वर सुगर मिलले किटनासक औषधी स्प्रे गर्ने

कञ्चनपुर/ पुनर्वास मा रहेको भागेश्वर सुगर मिलले मिल संग जोडिएका बस्तिहरूमा किटनासक औषधी छर्कने भएको छ । 

सुगर मिलका कारण धुँवा धुलो तथा फोहोरमैलाको कारणले लामखुट्टेको वृद्धि हुन थालेपछि नियन्त्रणका लागि मिलले किटनासक औषधी स्प्रे गर्ने भएको हो । 

पुनर्वास नगरपालिका उपप्रमुख भुलिया कुमारी रानाको संयोजकत्वमा नगरपालिका प्रमुख प्रशासकीय अधिकृत गणेश सिंह ऐरी , योजना शाखा अधिकृत शंकर बोगटी , भागेश्वर सुगर मिल प्रशासन शाखा प्रमुख डम्बर खड्का बिच भएको छलफल पश्चात्  सुगरमिलको फोहोरमैलाका कारण  लामखुट्टे लगायत किटाणु हरू बढेकोले विभिन्न रोग बढ्न सक्ने बिषयलाई मध्यनजर गरि यथासिघ्र किटनासक औषधी स्प्रे गरिदिन नगर उप प्रमुख रानाले सुगर मिल सञ्चालकलाई निर्देशन दिनुभएको  हो । 

मिलसंग नजीक रहेका बस्तिहरू पुनर्वास वडानम्बर २ दशरथ बस्ति , ईटाभट्टि गाउँ , वडानम्बर ५ सिमरी , रातो ताल गाउँ , उदरी गाउँ र पराशन गाउँमा किटनासक औषधी छर्किनु पर्ने र सो को अनुगमन नगरपालिका कर्मचारी एवम स्थानीय जनप्रतिनिधिले गर्नुपर्ने सहमति भएको छ । 

सुगरमिलको फोहोरमैलाबाट प्रभावित  स्थानीयले गत फागुन २ गते पुनर्वास नगरपालिका लाई ज्ञापनपत्र पेश गरेपछि उपमेयर भुलिया कुमारी रानाको अगुवाइमा नगरपालिका प्रशासन , जनप्रतिनिधि , पत्रकार लगायतको टोलिले भागेश्वर सुगर मिल अनुगमन गर्दै मिल सञ्चालक संग अन्तरक्रिया गरेको थियोे भने सुगरमिल सञ्चालन गर्दा मापदण्ड पालना गरिनुपर्ने सहमति भएको थियो । 

बुधबार भएको छलफलमा पुनर्वास नगरपालिका स्वास्थ्य शाखा प्रमुख राम धामी , भलमन्सा सुमन चौधरी , भलमन्सा नाथोराम राना  र पत्रकार लगायतको उपस्थिति रहेको थियो ।

पुनर्वासमा राष्ट्रिय स्वतन्त्र पार्टीको नगर भेला हुँदै

 

कञ्चनपुर,१३ बैशाख ।

पुनर्वासमा राष्ट्रिय स्वतन्त्र पार्टीको नगर भेला हुने भएको छ । राष्ट्रिय स्वतन्त्र पार्टी  जिल्ला कार्य समिति कञ्चनपुरको आयोजनामा आगामी बैशाख १६ गते भेला हुन लागेको सो पार्टिले जनाएको छ ।  टाउन बजार स्थित पुनर्वास नगरपालिका वडानम्बर  ६ को सभाहलमा बिहान ११ बजे आयोजना हुन लागेको सो भेलामा रास्वपाका जिल्ला तथा केन्द्रबाट आएका नेताहरूले सम्बोधन गर्ने कार्यक्रम रहेको छ ।  साथै सो भेलाले राष्ट्रिय स्वतन्त्र पार्टी  पुनर्वास नगरसमितिको समेत गठन गर्ने कार्यक्रम रहेको छ ।

  

बेलौरीमा मान्छे मार्ने बाघ सदर चिडियाखानामा राखियो

 

कञ्चनपुर / बेलौरीबाट नियन्त्रणमा लिइएको बाघ ललितपुरको जाउलाखेलस्थित सदर चिडियाखानामा राखिएको छ।

बेलौरी नगरपालिका–पचुईबाट नियन्त्रणमा लिइएको नरभक्षी बाघलाई आइतबार सदर चिडियाखानास्थित बाघ खोरको होल्डिङ कोठामा राखिएको राष्ट्रिय प्रकृति संरक्षण कोषका सदस्यसचिव शरद अधिकारीले जानकारी दिए। पोथी बाघ अन्दाजी पाँच वर्षको रहेको छ।

राष्ट्रिय निकुञ्ज तथा वन्यजन्तु संरक्षण विभागको निर्णयअनुसार शुक्लाफाँटा निकुञ्ज र राष्ट्रिय प्रकृति संरक्षण कोषले बाघ सदर चिडियाखाना ल्याएको हो। यो बाघले ८ वैशाखमा पचुईकी ४२ वर्षीया गंगादेवी चन्दलाई आक्रमण गरेको थियो। घटनाको २२ घन्टापछि मात्र बाघलाई बर्दिया राष्ट्रिय निकुञ्जबाट बाघविज्ञ डा. दिनेश देवकोटा र शुक्लाफाँटा राष्ट्रिय निकुञ्जबाट आभाष श्रेष्ठसहितले हात्ती परिचालन गरी डार्ट गरेर नियन्त्रणमा लिएका थिए।

चन्द मृत फेला परेकी थिइन्। भारतको दुधुवा राष्ट्रिय निकुञ्ज क्षेत्रनजिकै रहेको यहाँ एक महिनाअघि मात्र बाघको आक्रमणमा परी एक भारतीय र एक नेपालीको ज्यान गइसकेको छ।

नेपालमा सन् २००९ मा १२१ बाघ रहेकामा हाल यो संख्या ३५५ पुगिसकेको छ। शुक्लाफाँटा र वरपरको क्षेत्रमा मात्र ३६ बाघ रहेको अनुमान छ। तराई क्षेत्रमा रहेको लालझाडी–मोहना, वसन्ता र ब्रह्मदेव जैविक मार्गमा बाघको विचरण बढिरहेको छ। नेपाल र भारत दुवै देशमा फैलिएको तराई भूपरिधि क्षेत्रमा बाघको संख्या बढेसँगै मानव–बाघ द्वन्द्वका घटना पनि बढेका छन्।

बाघ आक्रमणमा बेपत्ता भएकी बेलौरीकी गंगा चन्द मृत फेला

कञ्चनपुर, ९ बाघ आक्रमणमा बेपत्ता भएकी बेलौरीकी गंगा चन्द मृत फेला परेकी छिन । 

बेलौरी नगरपालिका ८ पचुईकी ४२ बर्षिया गंगा चन्दलाई आक्रमण गर्ने बाघ शुक्रबार बिहान ८ बजेतिर फेला परे संगै गंगा पनि मृत फेला परेकी छिन । श्रृखलाबद्ध रुपमा मानिस माथि आक्रमण गर्दै आएको बाघलाई नियन्त्रणका लागि बर्दिया राष्ट्रिय निकुञ्जबाट बाघ विज्ञ डा. दिनेश देवकोटा र शुक्लाफाँटा राष्ट्रिय निकुञ्जबाट आभास श्रेष्ठ सहित हात्ती परिचालन गरिएका थिए ।

महिला बेपत्ता पार्ने बाघ नियन्त्रणमा,महिलाको खोजतलास जारी

कञ्चनपुर ,९ बैशाख ।

बेलौरीमा महिला बेपत्ता पार्ने बाघलाई नियन्त्रणमा लिईएको छ । बेहोस पार्ने ईन्जेक्सन(डार्ट) दिई बाघलाइ नियन्त्रणमा लिईएको हो । शुक्रबार बिहान बेलाैरी नगरपालिका ८ की ४२ वर्षीया महिला गंगा चन्दलाई नजिकैकाे खप्टि नालामा  घाँस काट्न गएको बेला बाघले आक्रमण गरि बेपत्ता बनाएको थियोे ।  आक्रमण पश्चात् स्थानीय सहित सुरक्षाकर्मी दिनभर खाेजतलासमा खटिएको थियोे । तर झन्डै 

आज बिहान ८ बजे करिब २१ घण्टा पछि प्रहरीले बाघ नियन्त्रणमा लिएको छ । भने महिलाकाे अत्तोपत्तो  छैन् - ईलाका प्रहरी कार्यालय बेलाैरीका प्रहरी निरीक्षक सन्दिप चन्द्र शाहले भने - " यतिबेला बाघलाई इन्जेक्सनले लठ्याइकाे छ - थप अप्रेसन जारी छ, हामी फिल्डमै छाैं ।"

शाहले  थपे - विषेश सुरक्षा टाेली सहित रातभर चार हात्ती लगाएर खाेजीकाे गरेका थियौं, प्रविधिक कठिनाइले आज बिहान मात्रै बाघलाई नियन्त्रणमा लिन सकियाे ।"

उनले यसपछि बेपत्ता महिलाको सुक्ष्म ढंगले खाेजी गरिने बताए ।

तर यता स्थानीयले महिलाको अनुसन्धानमा ढिलासुस्ती र फितलो भएको भन्दै चिन्ता व्यक्त गरेका छन् ।

 

बेलाैरीमा बाघको आक्रमण परि एक महिला बेपत्ता

कञ्चनपुर, ८ बैशाख ।

  बेलौरीमा बाघको आक्रमणमा परी एक महिला बेपत्ता भएकी छन् । बेपत्ता हुनेमा बेलौरी नगरपालिका ८ कि ४२ वर्षीय गंगा चन्द रहेको प्रहरीले जनाएको छ ।

महिला आज बिहान करिब ११ बजेतिर खप्टिपुल नजिकै खेतबारीमा घाँस काट्न गएकी थिइन् । ड्रोन क्यामराबाट हेर्दा बाघ र महिला झाडीमा देखा परेका छन् । तर अहिलेसम्म बाघ नियन्त्रण लागि माथिको आदेश भन्दै प्रहरी अलमलमा छ ।

बाघ नालाको झाडीमा सुतेको अवस्थामा क्यामरामा देखिएको छ । उक्त ठाउँलाई स्थानीयले घेरेका छन् ।

अहिले सम्म कुनै पहल नभएको भन्दै स्थानीय आक्रोसित बनेका छन् ।

  यस्तै, यसअघि गत चैत १० गते भारतको दुधुवा नेशनल पार्कमा घाँस दाउरा गर्न गएकी पुनर्वास नगरपालिका– १० की ३३ वर्षीया कलसा सार्कीको बाघको आक्रमणमा परी मृत्यु भएको थियो। त्यसको एक सातापछि बेलौरीसँग सीमा जोडिएको भारतीय बस्तीमा पनि बाघको आक्रमणबाट एक भारतीय महिलाको मृत्यु भएको थियो । भने महिना दिन नबित्दै फेरी यो घटना घटेको छ ।

पुनर्वासमा काेभिड–१९ डिजिटालाईजेशन कार्य शुरु

 

 कञ्चनपुर/पुनर्वास नगरपालिकाले कोभिड–१९ रोकथामका लागि लगाएको खोपको डिजिटालाईजेशन अभियान सुरु गरेको छ ।

माहामारी नियन्त्रणका लागि सरकारले ल्याएका विभिन्न खोपको रेकर्ड कागजमै हुँदा असहज भएकाले यसको सहजताका लागि डिजिटालाईजेशन अभियान सुरु गरिएको हो ।

बिहिबार पुनर्वास नगरपालिका–६ वडा कार्यालयको सभाहलमा जनप्रतिनिधि, संस्थाका प्रतिनिधि र सामाजाजिक परिचालकहरु बीच भएको समिक्षा कार्यक्रममा अहिले सम्म गरिएको काम, देखिएका समस्या र गर्नुपर्ने समन्वयका विषयमा बृहत छलफल गरिएको थियो ।

पुनर्वासमा जम्मा ६१ हजार ६ सय २८ जनसंख्यामा नोभेम्बर १५ देखि हालसम्म २४ हजार जनाको कोभिड–१९ डिजिटालाईजेशन भईसकेको र ५० हजार जनाको डिजिटालाईजेशन गर्ने लक्ष्य रहेको जनाईएको छ ।

कार्यक्रममा नगर प्रमुख तोय 

प्रसाद शर्माले देशभरमा ९ पालिका छनौट मध्ये सुदुरपश्चिममा पुनर्वास नगरपालिका कोभिड–१९ डिजिटालाईजेशनमा दोस्रो पालिका बनेको र यस अघि धनगढी उपमहानगरपालिकालाई छनौट गरिएको बताउनुभयो । उहाँले यस अभियानलाई सफल बनाउन जनप्रतिनिधिहरु प्रतिबद्ध भई लाग्ने समेत सुनाउनुभयो ।

खटिएका कर्मचारीलाई सहज रुपमा माग गरिएका कागजात दिई कोभिड–१९ डिजिटालाईजेशनलाई सफल बनाउन अहम भुमिका निर्वाह गरिदिन सम्पूर्ण जनप्रतिनिधि र स्थनीयहरुमा युएनडिपि सुदुरपश्चिमकी प्रमुख बैजन्ती गिरीले अनुरोध गर्नुभएको थियो ।

त्यस्तै निड्स नेपालका निर्देशक भवराज रेग्मीले जनप्रतिनिधि प्रति जनताका आशा थुप्रै रहेको कुरालाई जाड्दै कोभिड–१९ डिजिटालाईजेशन पुरा गर्न सके नगर विकासमा टेवा पुग्ने बताउनुभयो ।

यस अभियानले नगरपालिका भित्र के कतिले खोपको मात्रा लगाएको भन्ने अपडेट अनलाईनमै दिने र आवश्यक परेको अवस्थामा सहज तरिकाले हेर्नसकिने कार्यक्रम निर्देशक बिनोद कडाराले बताउनुभयो ।

युएनडिपिको आर्थिक सहयोग, नेपाल पर्यावरण तथा शिक्षा समाज कञ्चनपुरको आयोजना र पुनर्वास नगरपालिकाको साझेदारीमा पुनर्वास नगरपालिकाका ११ वटै वडाहरुमा सामाजिक परिचालका खटाई सो अभियान निरन्तर चलिरहेको कार्यक्रमका फोकल पर्शन रामचन्द्र उपाध्यायले जानकारी दिनुभयो ।

यसैगरी सामाजिक परिचालकहरुलाई कोभिड क्यू आर सम्बन्धी नगरपालिकाका स्वास्थ्य शाखाका कर्मचारी बासु जोशीले प्रोजेक्टर मार्फत प्रशिक्षण दिनुभएको थियो ।

पुनर्वास ईसाई समाजद्वारा ईष्टर सण्डेको अवसरमा वृहत र्‍याली तथा सभाको आयोजना

कञ्चनपुर/ पुनर्वास ईसाई समाजद्वारा ईष्टर सण्डेको अवसरमा आइतबार वृहत र्‍यालीको आयोजना गरिएको छ ।

पुनर्वासका क्रिश्‍चियन धर्मावलम्बीहरूले विभिन्न कार्यक्रमको आयोजना गरी येशु ख्रीष्‍ट मृत्युबाट जीवित हुनुभएको बाइबलको सत्यतालाई स्मरण गर्दै पुनरूत्थान महोत्सव मनाएका हुन्।

   पुनर्वास भरीका चर्चबाट हजारौँको संख्यामा सहभागीता रहेको  इसाई समुदायले येशु ख्रीष्टको पुनरुत्थान दिवस ‘ऐतिहासिक पुनरुत्थान दिवस -२०७९’  शान्ति यात्रा गरि भव्यताको साथ मनाएका छन्।

 पुनर्वास नगरपालिका भित्रका ४२  मण्डलीहरु बाट करीब १ हजार ५ सय  बढी ईसाई धर्मावलम्बीहरु प्रतिभानगर टाउन बजारमा  उपस्थित भएर शान्ति पदयात्रामा सहभागी भएका थिए।

 येशू ख्रीष्ट पुनरूत्थान भएको घोषणा  सभालाई सम्बोधन गर्दै पास्टर हेमराज न्यौपानेले बाइबलमा उद्धार मुक्ति को बारेमा स्पष्ट रुपमा उल्लेख गरेका कुरा ऋगवेद र स्वेतवेदले समेत पुष्टि गरेको जिकिर गर्नुभयो।  यसैगरी ईसाई समाजका सल्लाहकार रेभ पास्टर राजकुमार तामाङले येशू ख्रीष्‍ट आइतबारका दिन विहानै मिर्मिरेमा चिहानबाट पुनरूत्थान हुनुभएको बताउनुभयो ।

 

त्यसैगरी आईबीआरडीको खुल्ला मञ्चमा सम्पन्न  कोणसभामा पास्टर दिल बहादुर तामाङले धर्मशास्त्रले पुष्टि गरेझैं येशू तेस्रो दिनमा फेरि उठ्नुभयो। अर्थात्, उहाँ निस्तार चाडको अघिल्लो दिन मर्नुभयो, त्यो शनिबार चिहानमा हुनुहुन्थ्यो, र अर्को दिन पुनरुत्थान हुनुभयो। किनभने ख्रीष्ट उठेको छ, हाम्रो विश्वास दृढ छ र परमेश्वर आफैले प्रमाणित गरेको बताउनुभयो। ख्रीष्ट येशूको पुनरुत्थान विषयमा प्रचार गर्दै पास्टर दिल तामाङले येशू ख्रीष्टको मृत्युबाट पुनरुत्थानले मानव जातीको निम्ति मुक्तिको ढोका खोली दिएको बताउनुभयो। येशू ख्रीष्ट सबै जातिको लागि प्रेम र प्रेरणाको स्रोत भएको उनले बताए।

 ईसाई समाज शाखा पुनर्वासका अध्यक्ष बल बहादुर तामाङ ज्यूको सभापतित्व, ईसाई समाज जिल्ला कार्यसमितिका अध्यक्ष सन्तोष सोनामको प्रमुख आतिथ्यमा शुरु गरिएको शान्ति यात्राको आतिथ्यमा पुनर्वासभरीका  पास्टरहरुको उपस्थिति रहेको थियोे । उक्त कार्यक्रमलाई ईसाई समाज शाखा पुनर्वासका सचिव शमसेर तामाङले  सञ्चालन  गर्नुभएको थियो।

जातीय छुवाछुतका घटना नहुने किसिमको अभियान सञ्चालन गर्न माओवादी सांसदद्धारा सरकारको ध्यानाकर्षण

-लाल बहादुर एसके

काठमाडौं । नेकपा (माओवादी केन्द्र)का सांसद रणेन्द्र बराईलीले जातीय छुवाछुतका घटना आइन्दा नहुने किमिसको अभियान सञ्चालन गर्न सरकारको ध्यानाकर्षण गराएका छन् । बिहीबार प्रतिनिधि सभाको बैठकमा शून्य समयमा उनले देशका विभिन्न ठाउँमा जनप्रतिनिधिबाटै जातीय छुवाछुतका घटना भइरहेका बेला यस्ता घटना नहुने किमिसको अभियान सरकारलाई सञ्चालन गर्न संसदमार्फत सरकारको ध्यानाकर्षण गरेका हुन् ।

सांसद बराईलीले भगवानपुर गाउँपालिकाका अध्यक्ष योगनारायण यादवले भोजमा गरेको छुवाछुतको र कास्किको माछापोखरी गाउँपालिका ५ का वडा सदस्य रामजी लामिछानेले दलित समुदायका व्यक्तिमाथी गरेको जातीय छुवाछुतको घटना पनि स्मरण गराउदैँ नेपालको संविधानको धारा २४ को उपधारा ५ ले छातीय छुवाछुत गर्नेलाई सामाजिक अपराध मानेको भन्दै यस्ता सामाजिक अपराध गर्नेलाई हदैसम्मको कानूनी कारवाही गर्न पनि सरकारको ध्यानाकर्षण गराएका छन् ।

उनले भने, ‘सम्माननीय सभामुख महोदय, भगवानपुर गाउँपालिकाका अध्यक्ष योगनारायण यादवले भोजमा गरेको छुवाछुतको व्यवहारको प्रकरण सेलाउन नपाउदैँ कास्किको माछापोखरी गाउँपालिका ५ का वडा सदस्य रामजी लामिछानेले परिवारकै बर्तबन्धमा आफ्नो छुट्टै भोजमा नारायण परियार आए भनेर उनलाई ज्यादती गर्दै भोजका सामग्री घोप्ट्याउदैँ डेढ लाख जरिवाना तिर्नसमेत जबरजस्ती गरे । यस्ता किसिमका जातीय विभेदका घटना देशव्यापी रुपमा भइरहेका छन् । नेपालको संविधानको धारा २४ को उपधारा ५ ले यस्ता विभदेकारीलाई सामाजिक अपराध मानेको छ । यस्ता सामाजिक अपराध गर्नेलाई हदैसम्मको कानूनी कारवाही गर्ने र यस्ता किसिमका घटना आइन्दा नहुने किसिमको अभियान सञ्चालन गर्न म नेपाल सरकारलाई सभामुखमार्फत ध्यानाकर्षण गर्दछु ।’

लालझाडी स्वास्थ्य शाखाद्वारा एकदिने बहुनिकाय अन्तरक्रिया कार्यक्रमको आयोजना

-लाल बहादुर एस के

कञ्चनपुर/२१चैत ।

लालझाडी गाउँपालिका स्वास्थ्य शाखाले किटजन्य रोग नियन्त्रण तथा निराकरणका लागि मंगलबार एकदिने बहुनिकाय अन्तरक्रिया  कार्यक्रम आयोजना गरेको छ ।

कार्यक्रम  लालझाडी गाउँपालिकाका अध्यक्ष निर्मल रानाको अध्यक्षतामा सम्पन्न भएको थियो भने किटजन्य रोग नियन्त्रण कार्यक्रमको  प्रशिक्षकको रुपमा कञ्चनपुर जिल्ला जनस्वास्थ्य कार्यालयका औलो रोग शाखाका अधिकृत सिद्धराज भटृ रहनुभएको थियो । कार्यक्रममा लालझाडी गाउँपालिकाका छवटै वडाका वडाअध्यक्षहरुको उपस्थिति थियो । त्यस्तैगरी गाउँपालिका भित्र रहेका स्वास्थ्यका कर्मचारीहरुलाई कार्यक्रममा सहभागिता गराइएको थियो ।  केही स्थानीयरुपमा स्वास्थ्य सेवा दिइरहेका स्थानीयहरुलाई पनि सो कार्यक्रममा सहभागी गराइएको थियो । कार्यक्रमका प्रशिक्षक भटृद्वारा सो कार्यक्रमको उद्देश्यबारे प्रष्ट पार्दै  २०२५ सम्ममा औलो रोगलाई न्यूनीकरण गर्दै निर्मूल पार्ने उद्देश्यले सो कार्यक्रमको गरीएको बताए । 

त्यसैगरी लालझाडी गाउँपालिका स्वास्थ्य शाखा प्रमुख तथा कार्यक्रमका सञ्चालक

खगेन्द्र चौधरीले  स्वास्थ्य क्षेत्रमा हुने औलो रोग (मलेरीया) टाइफाइड, झाडा पखाला लगायतका विषयमा आफू गम्भिर भएर लागिरहेको र गाउँपालिका भित्रमा रहेका ६ वटै वडामा ल्याब सहितको  स्वास्थ्य सेवा पुर्णरुपमा निशुल्क  दिइरहेको बताए । प्रमुख चौधरीले आउँदा दिनहरुमा पनि यस्ता किसिमका स्वास्थ्य क्षेत्रमा गर्नुपर्ने सेवाहरु बारे आफ्नो तयारी रहेको र स्वास्थ्य सेवा बाटो गर्नुपर्ने काममा आफु कटिवद्ध  रहेको बताएका छन् । स्वास्थ्य बीमा कार्यक्रम बारे पनि  प्रमुख चौधरीले जानकारी गराउनुभएको थियो ।