कञ्चनपुर, २ जेठ ।
पुनर्वास नगरपालिकाको दस संवेदनशील स्थानहरुमा सिसिटिभी क्यामेरा र सडक बत्तिहरु जडान गरिएको छ ।
पुनर्वास नगरपालिकाको आर्थिक सहयोगमा सो सिसिटिभी क्यामेरा तथा बत्तिहरुहरु जडान गरीएका हुन । आज ईलाका प्रहरी कार्यालय त्रिभुवन बस्तीको प्राङ्गणमा आयोजना गरिएको एक कार्यक्रममा सो सिसिटिभी क्यामेरा तथा सडक बत्तिको नगरप्रमुख तोय प्रसाद शर्मा र उपप्रमुख भूलिया कुमारी रानाले संयुक्त रूपमा उद्घाटन गर्दै ईलाका प्रहरी कार्यालय त्रिभुवन बस्तिलाई हस्तान्तरण गर्नुभयो ।
सिसिटिभी क्यामेरा ग्रहण गर्दै ईलाका प्रहरी कार्यालय त्रिभुवन बस्तीका ईञ्चार्ज नरेशराज मल्लले
नगरपालिका क्षेत्रभित्र शान्ति सुव्यवस्था कायम राख्न तथा अपराधिक क्रियाकलाप नियन्त्रण गर्नका साथै सडक दुर्घटना न्यूनिकरण गर्न सो सिसिटिभी र सडक बत्तिले प्रहरीलाई महत्त्वपूर्ण सहयोग हुने बताउनुभयो ।
कार्यक्रममा मन्तव्य राख्दै पुनर्वास ६ का वडाध्यक्ष मित्रसिंह लामाले प्रहरीको सक्रियताका कारण पुनर्वासमा शान्ति सुरक्षाको अवस्था संतोषजनक रहेको बताउनुभयो ।
प्रमुख अतिथिको आसनबाट बोल्दै नगरप्रमुख तोय प्रसाद शर्माले पुनर्वास क्षेत्रमा शान्तिसुरक्षा कायम राख्न आफू र नगरपालिका प्रतिबद्ध रहेको र यसको लागि सहयोग गर्न आफू तत्पर रहेको जिकिर गर्नुभयो ।
पु.न.पा ११ डोकेबजार, पुनर्वास १ ढक्का चोक, वडा नम्बर १० दोदापुल, वडा ६ स्थित टाउन बजार र ईप्रका कार्यालय गेट अगाडी लगायतका ठाउँहरुमा सो सिसिटिभी क्यामेराहरु जडान गरीएका छन । पुनर्वास नगरपालािकाको आर्थिक सहयोग रु. ७,५१,०००/-मा सो सिसिटिभीहरु जडान गरिएको हो ।
त्यसै अवसरमा प्रभु बैक पुनर्वास
शाखाको रु २०,०००/- सहयोगमा ३ वटा जनचेतनामुलक होर्डीङ बोर्ड र पु.न.पा ११ बस्ने पुर्ण बहादुर तामाङको व्यक्तिगत आर्थिक सहयोग रु २०५०००/- मा प्रहरी चौकी परासनमा निर्मित नागरिक सहायता प्रतिक्षालय, चौतारा समेत उदघाटन तथा हस्तान्तरण गरिएको थियोे ।
No comments:
Post a Comment