पुनर्वासको सिमरीमा टिप्पर र मोटरसाईकल ठोक्किदा एकजनाको मृत्यु

कञ्चनपुर/ १२ असार ।

  पुनर्वासको सिमरीमा टिप्पर र मोटरसाईकल ठोक्किदा एकजनाको मृत्यु भएको छ ।

मंगलबार (आज)पुनर्वास नगरपालिका-५, सिमरीमा टिप्पर र मोटरसाईकल एकआपसमा ठोक्किदा एक जनाको मृत्यु भएको हो ।

ठक्करबाट सिमरी गाउँकै ५५ वर्षिय मोतिलाल रानाको उपचारका क्रममा मृत्यु भएको ईलाका प्रहरी कार्यालय त्रिभुवनबस्तीका प्रहरी निरीक्षक नरेशराज मल्लले जानकारी दिए ।

धनगढी तर्फ गईरहेको सु.प.प्र.०१-००१क २२०० नम्बरको टिप्परसंग सिमरी गाउँभित्रबाट विपरित दिशाबाट हुलाकी सडकमा आईरहेको से.४प. २२७१नम्बरको मोटरसाईकल ठोक्किदा गम्भिर घाईते भएका रानाको उपचारका क्रममा मृत्यु भएको हो ।

उनको दुर्घटना लगत्तै उपचारका लागि धनगढी स्थित माया मेट्रो हस्पिटलमा लगिएको पुनर्वास नगरपालिका-५ का वडाध्यक्ष पदमबहादुर रोकायाले बताए ।

अहिले मृतक रानाको शव पोष्टमार्टमका लागि सेती प्रादेशिक अस्पताल धनगढी पठाईएको र टिप्पर,मोटरसाइकल र चालक ईलाका प्रहरी त्रिभुवनबस्तीको नियन्त्रणमा रहेको प्रहरीबाट बुझिएको छ ।

पुनर्वासको सरस्वती माविका प्रधानाध्यापक पौडेललाई सम्मान

-लाल ब. एसके

कञ्चनपुर/कञ्चनपुरको पुनर्वास नगरपालिकामा रहेको एक सामुदायिक विद्यालयका प्रद्यानाध्यापकलाई सम्मान गरिएको छ ।

पुनर्वास नगरपालिका २ मोतीबस्तीमा रहेको सरस्वती माध्यामिक विद्यालयका प्रद्यानाध्यापक जितेन्द्र पौडेललाई सम्मान गरिएको हो ।

पुनर्वास नगरपालिकाले प्रअ पौडेललाई सामुदायिक विद्यालयको स्तरबृद्धि गरेको भन्दै सम्मान गरेको छ ।

पुनर्वास नगरपालिकाको १३औँ नगर अधिवेशन कार्यक्रममा प्रअ पौडेललाई प्रमाण पत्रका साथै दोसल्ला ओढाएर सम्मान गरेको हो । पुनर्वास नगरका प्रमुख तोय प्रसाद शर्माले प्रअ पौडेललाई प्रमाण पत्रका हस्तान्तरण गर्दै दोसल्ला ओढाएर सम्मान गरेका छन । प्रअ पौडेलले उक्त सरस्वती माविको प्रअ भएपछि विद्यालयको शैक्षिक गुणस्तर बृद्धि गरेपछि २,३ सय मात्रै विद्यार्थी हुने उक्त विद्यालयमा हजार बढि विद्यार्थी रहेका छन । उक्त विद्यालयमा अग्रेजी माध्यमबाट गुणस्तरिय पठनपाठन हुने भएपछि पछिल्ला वर्षहरुमा विद्यार्थीको आकर्षण बढिरहेको छ ।

नगरपालिकाबाट सम्मानित भएका प्रअ जितेन्द्र पौडेलले सम्मानबाट उत्प्रेरणा मिलेको बताउँदै थप शैक्षिक वृद्धि विकासका लागि पहल गर्ने प्रण गरेका छन ।

 पुनर्वास नगरका प्रमुख तोय प्रसाद शर्माले प्रअ जितेन्द्र पौडेलले पुनर्वासको शिक्षा क्षेत्रमा पुर्‍याएको योगदानको चर्चा गर्नुभयो ।

आन्तरिक मामिला तथा कानून मन्त्री सिंहको निधनमा बुधबार सुदुरपश्चिम प्रदेशभर शोक बिदा

धनगढी /असार ५ ।

सुदूरपश्चिम प्रदेशका आन्तरिक मामिला तथा कानुन मन्त्री पृथ्वीबहादुर सिंहको निधनमा बुधबार प्रदेशभर शोक बिदा दिइएको छ । आन्तरिक मामिला तथा कानुन मन्त्रालयले मंगलबार जारी गरेको विज्ञप्तिमामन्त्रिपरिषद्को निर्णयअनुसार सुदूरपश्चिम प्रदेशभर शोक बिदा दिने र उक्त दिन सरकारी तथा सार्वजनिक निकायहरुमा नेपालको राष्ट्रिय झण्डा आधा झुकाउने निर्णय भएको उल्लेख छ । 

सिंहको मंगलबार बझाङमा भएको सवारी दुर्घटनामा निधन भएको थियो । सुपप्र ००१ झ ४८० नम्बरको गाडी दुर्घटनामा उनकी धर्मपत्नी अमृतादेवी सिंह र भाउजू जयादेवी सिंहको पनि निधन भएको छ । यस्तै दुर्घटनामा अन्य दुई जना घाइते छन् । 

दुर्घटनामा परी सुदूरपश्चिम प्रदेशका कानुन मन्त्रीको निधन

कैलाली/ धनगढीबाट बझाङ जाने क्रममा गाडी दुर्घटनामा परी घाईते भएका सुदूरपश्चिम प्रदेशका कानुनमन्त्री पृथ्वीबहादुर सिंहसहित तीन जनाको मृत्यु भएको छ ।

मृत्यु हुनेमा सिंहसहित उनकी पत्नी र भाउजू रहेको सुरक्षा स्रोतले जनाएको छ ।

मन्त्रीसहित पाँच जना सवार गाडी मंगलबार  दिउँसो करिब अढाई बजे बझाङको केदारस्यूँ गाँउपालिका–१ को देउरामा दुर्घटना भएको थियो । अन्य दुई भने गम्भीर घाइते भएका छन् ।