ईदको अवसरमा आज सार्वजनिक विदा

काठमाडौं/चैत २९ 

 ईदको अवसरमा सरकारले आज बिहीबार सार्वजनिक विदा दिएको छ । गृह मन्त्रालयले हिजो एक सूचना जारी गर्दै बिहीबार सार्वजनिक विदा दिएको जनाएको छ । 

सहसचिव रुद्रप्रसाद पण्डितले जारी गरेको सूचनामा आज इस्लाम धर्मावलम्बीहरुको पर्व ईद–उल–फित्र (ईद)को अवसरमा सार्वजनिक बिदा दिइएको उल्लेख छ ।

मिति २०७९ चैत २ गतेको नेपाल राजपत्रमा प्रकाशित सूचनाअनुसार इस्लाम धर्मावलम्बीहरुको पर्व ईद–उल–फित्र (ईद)का दिन सार्वजनिक बिदा दिने निर्णय भएको सन्दर्भमा उक्त पर्वको अवसरमा मिति २०८० साल चैत २९ गते बिहीबार सार्वजनिक बिदा दिने निर्णय भएको व्यहोरा सम्बन्धित सबैको जानकारीका लागि यो सूचना प्रकाशित गरिएको छ,गृह मन्त्रालयले भनेको छ ।