पुनर्वासमा स्कुलको बसले ठक्कर दिँदा मोटरसाइकल चालक गम्भीर घाइते

कञ्चनपुर/फागुन ११

पुनर्वासमा स्कुलको बसले ठक्कर दिँदा मोटरसाइकल चालक गम्भीर घाइते भएका छ्न । आज बिहान पुनर्वास ३ राम बस्तीमा धनगढी स्थीत वेस्टर्न कृष्टल एकेडेमीको बस (सुपप्र ०१–००१ प. २१३३)ले स्थानीय व्यक्ति रमेश तामाङ (वर्ष ४४) सवार मोटरसाइकल ( से.२ प. ६३०९) लाई ठक्कर दिएको हो ।

दुर्घटना हुनासाथ बसका ड्राइभर प्रेमसिंह राना (वर्ष ३२) ले एम्बुलेन्स बोलाउँछु भन्दै बस घटनास्थलमै छाडी फरार भएको स्थानीयले बताएका छ्न ।

घाइतेका आफन्तजनले पुनर्वास ६ स्थीत पुनर्वास पोलिक्लिनिकमा लगेको भएपनि 

त्यहाँ उपचार हुन नसकेपछि धनगढी रिफर गरिएको पुनर्वास पोलिक्लिनिकका सञ्चालक धोके रानाले बताउनुभयो । अहिले घाईतेको उपचार धनगढीको मायामेट्रो हस्पिटलमा भैरहेको र घाईतेको अवस्था गम्भीर रहेको जानकारी प्राप्त भएको छ । त्यसैगरी बस र  ड्राइभरलाई घटनास्थलबाट नियन्त्रणमा लिई ईलाका प्रहरी कार्यालय त्रिभुवन बस्तीमा आवश्यक कानूनी कार्वाहीका लागि  राखिएको  ईलाका प्रहरी कार्यालय प्रमुख महेश विक्रम शाहीले जानकारी दिनुभयो।