विश्वकप छनौट : नेपालको खराब शुरुवात ४ ओभरमै जिम्बावेको ५० रन पूरा

काठमाडौँ । एकदिवसीय विश्वकप छनौट अन्तरगत जिम्बावेविरुद्धको पहिलो खेलमा नेपालले खराब शुरुवात गरेको छ ।
टस जितेर पहिलो ब्याटिङ गरिरहेको जिम्बावेका दुई ओपनर नेपाली बलरमाथि हावी भएका छन् ।

उनीहरुले विस्फोटक ब्याटिङ गर्दै चौका र छक्का हिर्काइरहेका छन् ।
४ ओभरको अन्त्यसम्ममा जिम्बावेले ५० रन पूरा गरिसकेको छ ।
ओपनर सेपास झुवाओ यतिबेला ३२ रन बनाएर खेलिरहेका छन् भने अर्को ओपनर सोलोमोन माइरले १० रन बनाएका छन् ।
उनीहरुले हालसम्म ४ छक्का र ६ चौका हिर्कासकेका छन् ।
कप्तान पारसको एकै ओभरमा उनीहरु १६ रन बनाएका छन् ।
--------------------------------------------------------
एकदिवसीय विश्वकप क्रिकेट छनोट यात्राको शुरुवात नेपालले आइतबार आफूभन्दा निकै बलियो टोली जिम्बावेविरुद्धको खेलबाट गर्दैछ ।
जिम्बावेले टस जितेर पहिलो ब्याटिङ गर्ने निर्णय गरेको छ ।
आयोजक राष्ट्र जिम्बावे एकदिवसीय र टेस्ट मान्यता राष्ट्र हो भने नेपाल एसोसिएट राष्ट्र हो । सन् २०१७ को सेप्टेम्बरमा आइसिसी एकदिवसीय वरीयताको आठौँ स्थानमा समावेश नभएपछि जिम्बावेसँगै वेस्ट इन्डिजले विश्वकप छनोट खेल्नु परेको हो ।
नेपालले भने आइसिसी विश्व डिभिजन–२ को उपविजेताका रूपमा प्रतियोगिता खेलिरहेको छ ।
नेपाल र जिम्बावे समूह ‘बी’मा रहेका छन् ।
नेपाल र जिम्बावे पहिलो पटक आमने सामने हुन लागेका हुन् ।
आइसिसीको नजरमा ‘नयाँ अफगानिस्तान’ को उपमा पाएको नेपालले विश्व क्रिकेट लिग डिभिजन टु मा उत्कृष्ट प्रदर्शन गरेको थियो ।
त्यस्तै, छनोट खेलअघि नेपालले पहिलो खेलमा युएईलाई ५ विकेटले हराउँदै उच्च मनोबलको साथ मैदानमा उत्रनेछ । वर्षाका कारण नेपाल र हङकङबीचको अभ्यास खेल भने रद्द भएको थियो ।
आजको नेपाली समयअनुसार १ बजेर १५ मिनेटमा जिम्बावेको वुलावायोमा हुनेछ ।