रिया भण्डारी
काठमाडौ । अब अस्पताल जाँदा लाग्ने उपचार खर्च पहिले नै थाहा पाइने भएको छ । सरकारले निजी तथा सरकारी सबै अस्पतालको सेवा शुल्क पारदर्शी बनाउन निर्देशन दिएसंगै यो सहज अवस्था लागू हुने भएको हो । निजी तथा सरकारी अस्पतालहरुले सबै प्रकारका उपचार सेवामा लिइने शुल्क सार्वजनिक गर्ने भएका छन् ।
सरकारी अस्पतालले स्वास्थ्य मन्त्रालयको वेबसाइट र निजी अस्पतालले आ–आफ्नो वेबसाइटमार्फत शुल्क विवरण सार्वजनिक गर्न अस्पतालहरुलाई पत्राचार गर्ने तयारी गरेको स्वास्थ्य मन्त्रालयले जनाएको छ ।स्वास्थ्य मन्त्रालयको शुल्क निर्धारण कार्यदलले हरेक निजी तथा सरकारी अस्पतालले अनिवार्य रुपमा शुल्क सार्वजनिक गर्नुपर्ने निर्णय गरेको हो। सरकारी अस्पतालले स्वास्थ्य मन्त्रालयको वेबसाइट र निजी अस्पतालले आ–आफ्नो वेबसाइटमार्फत शुल्क विवरण सार्वजनिक गर्न अस्पतालहरुलाइ पत्राचार गर्ने तयारी गरेको स्वास्थ्य मन्त्रालय, चिकित्सा महाशाखा प्रमुख तथा शुल्क निर्धारण कार्यदलका अध्यक्ष डा भोलाराम श्रेष्ठले बताउनु भयो ।
त्यसो त अस्पतालले लिने सेवा शुल्कहरु नागरिक बडापत्रमा सबैले देख्ने गरी टाँसेर राख्नु पर्ने नियम नै छ । तर धेरै जस्तो अस्पतालमा त्यसरी राखिएको छैन अब भने अस्पतालको सेवा शुल्क नागरिक बडा पत्रमा टाँसेर राख्नुको साथै मन्त्रालयकै वेबसाइटमा समेत लिंक हुने गरि राख्नु पर्ने छ । शुल्क निर्धारण कार्यदलले अहिले अस्पतालले कुन उपचारमा कति लिनु पर्ने भन्ने शुल्क तोकेको छैन । अस्पतालहरुले अहिले लिइरहेको शुल्क सार्बजनिक भए पनि त्यहि आधारमा यो उपचारमा न्यूनतम यति देखि उच्चतम यति सम्म लिन पाउने भनेर अस्पतालको सेवा शुल्क निर्धारण हुने शुल्क निर्धारण कार्यदलले जनाएको छ ।
अस्पताल लिने सेवा शुल्क निर्धारणमा केही जटिलता समेत आएको छ । हरेक ब्यक्तिको उपचारमा फरक फरक केस हुने उपचार कै क्रममा कतिलाइ थप उपचार पनि चाहिने जस्ता बिबिध कारणले शुल्क यो उपचारमा यति नै लिनु भन्ने अवस्था नरहेको बिशेषज्ञहरु बताउछन् । उपचार शुल्कमा हुने मनोमानी रोक्न ‘स्वास्थ्य संस्था स्थापना, सञ्चालन तथा स्तरोन्नति मापदण्ड सम्बन्धी निर्दे्शिका, २०७०’ मा स्वास्थ्य सचिव संयोजकत्वको शुल्क निर्धारण समितिको व्यवस्था गरिएको छ। त्यहि समितिले कार्यदल गठन गरि निजी अस्पतालहरुको शुल्क को मनोमानीलाई नियमन गर्ने तयारी गरेको छ ।
No comments:
Post a Comment