साझा पत्रिका सम्बादाता
काठमाडौँ, भदौ १३
नेपालका चर्चित गायक राजेशपायल राईको स्वर तथा संगीतकार सन्तोष राजको स्वरमा सजिएको सुन्दर गीत ‘आईलभ यु’ लाई बुधबार विन्ध्यावासीनी म्युजिकले युट्युबमा सार्वजनिक गरेको छ । यस अघि दर्शन नमस्ते एल्बममा समावेश गरिएका गीतहरुले निकै नै चर्चा बटुले भने अब दर्शन नमस्ते ४ एल्बमका गीतहरु सार्वजनिक हुँदै छन । विभिन्न भाषाका गीतमा कर्णप्रिय संगीत भरेर नेपाली श्रोताहरु माझ लोकप्रिय बनेका संगीतकार सन्तोष राज र राजेश पायल राईको सहकार्यमा निर्माण भएको यस गीत धेरै नेपाली श्रोताहरुको प्रतिक्षित गीत समेत हो ।
दर्शन नमस्ते ४ मा समाबेश यस गीतको रेकर्डिङका लागि साउन २४ गते संगै भारतको मुम्बई प्रस्थान गरेका संगीतकार सन्तोष राज र गायक राईले मुम्बई स्थित इमपाइर स्टुडियो गीत रेकर्ड गराएका थिए । करिव १० दिनको मुम्बई बसाईमा यो लगायत अन्य गीतहरु समेत रेकर्ड गरिएको गायक राईले बताए ।
बुधबार सार्वजनिक ‘आईलभ यु’ को लिरिक्स डा. नवराज लम्सालको हो । कजिस श्रेष्ठको निर्देशनमा बनेको यस गीतको म्युजिक भिडियोमा अनु शाह र विजय तामाङले अभिनय गरेका छन ।
विश्वमै ५ घण्टामा ९ गीत रेकर्ड गर्ने पहिलो गायकका रुपमा चिनिने गायक राईका नेपालमा मात्र नभएर एसियायी देशहरुमा समेत उनको धेरै फ्यान छन । ‘फैलियो माया दुबो सरि’ र ‘बैगुनी रैछौ मायालु’ गायक राईका सुरुवाती चर्चित गीतहरु हुन । २०६७ मा छिन्नलता पुरस्कारबाट सम्मानित गायक राईको नयाँ एल्वमको गीतहरुमा स्व. अम्बर गुरुङ, सन्तोष राज, रञ्जित गजमेर, उत्तमजङ लिम्बू, बसन्त सापकोटा, महाराजा थापा, अर्जुन पोखरेल, पारस मुकारुङ, बादल लिम्बू, विनोद खम्बु र महेश खड्काको संगीत रहने छ । त्यस्तै एल्वममा समावेश गीतका शब्दहरु टीका चाम्लिङ, राई नवीन, वसन्त सापकोटा, महेश खड्का र डा.कृष्णहरि बरालको रहेका छन् ।
No comments:
Post a Comment