नयाँ शक्तिको पाँच महिनामा पाँच काम पाँचै परिणाम रणनिति कार्यक्रम पुनर्वासमा सम्पन्न, ४६ जनाको पार्टी प्रवेश

हाम्रै साझा पत्रिका
पुनर्वास, पुस २७
     डा. बाबुराम भट्टराईले नेतृत्व गरेको नयाँ शक्ति नेपालको पाँच महिनामा पाँच काम पाँचै परिणाम भन्ने रणनितिक कार्यक्रम शुक्रबार पुनर्वासमा सम्पन्न सम्पन्न भएको छ । नयाँ शक्तिले ५ वर्ष पछिका लागि भोटर तयार गर्ने रणनीति बनाएको छ । यसै कार्यक्रममा पुनर्वास नगरपालिकाका विभिन्न दलहरुमा आबद्ध भएका ४६ जनाले नयाँ शक्ति पार्टीमा प्रवेश गरेका छन ।

पार्टीका पुनर्वास संयोजक सत्यादेवी चापागाईंले पार्टीको मुख्य ३ कामसहित अघि बढ्ने बताउँदै अबको कार्यदिशा संगठन सुदृढिकरण, सामाजिक आन्दोलन र राजनीतिक ब्यबस्था परिवर्तन रहेको बताउनुभयो । कार्यक्रमका प्रमुख अतिथी सुदुरपश्चिम प्रदेश कमिटी ईन्चार्ज तथा महाधीवेशन सदस्य कृष्णकुमार चौधरीले समसामयिक एवं सांगठनिक विषयमा प्रकाश पार्दै नयाँ शक्तिले मात्रै विद्यमान राजनीतिक अन्यौलताको अन्त्य गरी देशलाई समृद्ध बनाउने बताए । उनले नयाँ शक्ति तेस्रो वैकल्पिक धारको रुपमा अघि बढेको बताउँदै अबको निर्वाचनसम्म एक सशक्त वैकल्पिक शक्तिको रुपमा स्थापित हुने बताए ।

कार्यक्रमका अतिथिहरु महाधिवेशन सदस्य राजेन्द्र देवकोटा, सुदुरपश्चिम प्रदेश कमिटी प्रबक्ता मीनराज बडू, जिल्ला संयोजक शेरसिंह पुजारा, क्षेत्रीय संयोजक अमर सिंह बिष्ट सहित प्रदेश सदस्य जिल्ला सदस्य तथा पार्टीका अभियान्ताहरुले आफ्नो मन्तव्य राख्नुभएको थियो ।