थारु मौलिकता र संस्कृतिको संरक्षण र प्रवर्द्धन गर्न नगरप्रमुख चौधरीको जोड
हेमन्त न्यौपाने
बेलौरी, पुस २९
थारु कल्याणकारी सभा बेलौरी समितिको मुख्य आयोजना तथा बेलौरी नगरपालिकाको सह आयोजनामा सम्पन्न भएको ३ दिने प्रथम माघी मेला आइतबार धुमधामका साथ समापन भयो । थारु राष्ट्रिय कलाकारहरुको बेजोड प्रस्तुतिले स्टेज तताइदियो ।
बेलौरी, पुस २९
थारु कल्याणकारी सभा बेलौरी समितिको मुख्य आयोजना तथा बेलौरी नगरपालिकाको सह आयोजनामा सम्पन्न भएको ३ दिने प्रथम माघी मेला आइतबार धुमधामका साथ समापन भयो । थारु राष्ट्रिय कलाकारहरुको बेजोड प्रस्तुतिले स्टेज तताइदियो ।
समापन कार्यक्रममा माघी पर्वको शुभकामना व्यक्त गर्दै नगरप्रमुख चौधरीले थारु कला संस्कृतिको उत्थान र प्रबर्द्धनमा सबै एकजुट हुनुपर्ने बताउनुभयो । उहाँले सिङ्गो बेलौरीलाई समृद्ध र पर्यटकीय गन्तव्यमा बिकास गर्न सरकार प्रयासरत रहेको जिकिर गर्नुभयो । उहाँले थारु संस्कृतिको संरक्षण र प्रबर्द्धनमा बेलौरी नगरपालिकाले महत्त्वपूर्ण भुमिका खेल्न सक्ने बताउनुभयो । उहाँले बेलौरीलाई समृद्ध बनाउन नगरपालिका गुरुयोजना सहित अघि बढेको जानकारी गराउनुभयो । उहाँले मेलामा थारु परिकारहरु धेरै विक्री भएको जानकारी गराउदैँ थारु परिकार थारु देखि गैरथारुहरु समेतले स्वाद लिन पाएको बताउनुभयो । मेलामा थारू परिकारहरू घाेँघी, बंगुरकाे मासु, माछा, गंगटा, बयरको चट्नी, सुटही, ढिक्री, अण्डिक भात, सिन्की, चामलकाे जाँड लगायतका परिकारहरु प्रदर्शन तथा व्यापारका लागि राखिएका थिए । मेला प्रचारप्रसार संयोजक कृष्ण गम्वाले प्रथम बेलौरी माघी मेलामा उपस्थिति भएका सबैले उत्साहपुर्वक मनोरञ्जन लिएको बताउदै माघी पर्वको सबैलाई शुभकामना दिनुभयो ।
मेलाको शुक्रबार नेपाल सरकारका खानेपानी मन्त्री वीना मगरले हज्जारौं दर्शकका बिच कार्यक्रमको उद्घाटन गर्नुभएको थियो । उद्घाटनका दिनदेखि थारु तथा गैरथारुहरुको उल्लेख्य उपस्थितिमा कार्यक्रम भव्यताका साथ समापन भयो । तीन दिन माघी मेलामा रेडक्रस सोसाइटीले रक्तदान कार्यक्रमको समेत आयोजना गरेको थियो । रक्तदान जीवनदान भएकाले रक्तदान गर्न मिल्ने सबैमा रक्तदान गर्न नगरप्रमुख चौधरीले आग्रह गर्नुभयो । यस पटक बेलौरीमा प्रथम बेलौरी सांस्कृतिक मेला, प्रथम बेलौरी महोत्सव, राष्ट्रपति रनिङ शिल्ड प्रतियोगिता देखि प्रथम माघी मेलाको आयोजना भयो । प्रथम बेलौरी सांस्कृतिक मेलाले सन्तोसजनक स्थिति पाउन नसकेपनि महोत्सव र माघी मेलाले भने रौनकता ल्याईदियो । कला संस्कृति धनी अनि छुट्टै पहिचान बोकेको थारु समुदायले सबै कार्यक्रमहरुमा जोडदार सहभागिता जनायो । कला, भाषा र संस्कृति प्रेममा थारु समुदायको लगाव अत्याधिक छ । नगरप्रमुख चौधरी समेत मौलिकता, कला, भाषा तथा संस्कृतिको जगेर्ना गर्न अग्रसर हुनुहुन्छ ।
“थारू एकता हमार सान, शिक्षा भाषा सँस्कृती पाैर्हैटी लैजीना हमार अभियान” भन्ने मुल नाराका साथ बेलाैरीमा पहिलाे पटक आयोजना भएको बृहत् मेलामा जातिय पहिचान, भाषा, धर्म तथा सँस्कृतीकाे जगेर्ना गर्ने मुख्य उद्देश्य राखिएको थारू कल्याणकारिणी सभा बेलाैरी नगर संयाेजक खड्ग बहादुर चाैधरीले जानकरी गराउनुभयाे । कार्यक्रमको उद्घाटनका दिन सिकल सेल एनिमिया रोग न्यूनीकरण समिति बेलौरीका संयोजक पिताम्बर चौधरीले तराईका चौधरी समुदायमा देखिने वंशाणुगत रूपमा सर्ने रक्तअल्पता सम्बन्ध रोग सिकल सेल एनिमिया’का कारण धेरैले ज्यान गुमाउनु परिरहेको बताएका थिए । उनले रोगको पहिचान गर्दै ल्याव तथा औषधिउपचारमा निशुल्क व्यवस्था गर्न नेपाल सरकारलाई खानेपानी मन्त्री वीना मगरमार्फत आग्रह गरेका छन ।
कार्यक्रममा थारु समुदायकाे कलाकार्यक्रमको मिडिया पार्टनर समेत रहेको हाम्रै साझा पत्रिकालाई सम्मानित गरिएको छ । यस हाम्रै साझा पत्रिकाका प्रधानसम्पादक सुनिल कुमार लो, सम्पादक हेमन्त न्यौपाने, सह- सम्पादक रामसाय राना, प्रवन्ध निर्देशक यम प्रसाद आचार्य र कार्यकारी प्रवन्धक लाल बहादुर एसकेलाई छुट्टाछुट्टै सम्मान पत्र गर्दै नगरप्रमुख चौधरीले धन्यवाद प्रकट गर्नुभयो । कार्यक्रममा यस हाम्रै साझा पत्रिकासंगै रेडियो बेलौरी र रेडियो सुदुर सञ्चार मिडिया पार्टनर रहेका थिए । कार्यक्रममा अन्य पत्रकारहरुलाई समेत सम्मानित गरिएको छ । संस्कृति झल्किने झाँकी, मघाैटा नाच, मुङ्ग्रह्वा नाच, झुम्रा नाचको प्रदर्शन गरिएको थियो । थारु समुदायको बाहुल्यता भएको कञ्चनपुर जिल्लाको पुनर्वास, लालझाडी, बेलौरी र बेलडाँडीका १५ हजार भन्दा धेरैले मेलाको अवलोकन गरेका छन ।
No comments:
Post a Comment