मिलन कृषक समूहको १७ औं बार्षिक साधारणसभा सम्पन्न

हाम्रै साझा पत्रिका
शहिद गोविन्द गौतम टोल, पुस २१
     कञ्चनपुरको पुनर्वास नगरपालिका वडानम्बर ४ को शहिद गोविन्द गौतम टोलमा सञ्चालनमा रहेको मिलन कृषक समूहले आफ्नो १७ औं बार्षिक साधारणसभा सम्पन्न गरेको छ ।
शनिबार बार्षिक साधारण सभा कार्यक्रममा वडाका वडाअध्यक्ष प्रेम बहादुर बस्नेत प्रमुख अतिथि रहनुभएको थियो । प्रमुख अतिथि बस्नेतले कृषक समुहबाट भईरहेको बचत, लगानी तथा कृषि कामको खुलेर प्रसंसा गर्नुभयो । उहाँले वडाबाट हुनसक्ने सम्पुर्ण सहयोग गर्ने प्रतिबद्धता जनाउनु भयो । वडाअध्यक्षले यस समूहलाई अझै सफलताको शुभकामना दिनुभयो ।

२६ जना सदस्य रहेको यस समुहले यस बर्ष मात्र ब्याज २ लाख त्रियासी हजार ५ सय नब्बे रुपैयाँ, बैंक ब्याज ९ हजार ८ सय ७ रुपैयाँ, सेवा शुल्क २ हजार ४ सय तीस गरि जम्मा कुल आम्दानी २ लाख छयानब्बे हजार एकानब्बे आम्दानी भएको समितिका अध्यक्ष तथा कार्यक्रमका सभापति प्रेम लाल सापकोटाले बताउनुभयो । समुहले हालसम्म मुनाफा सहित बीस लाख उन्सतरी हजार ६ सय बचत गर्न सफल भएको छ । कृषक हक हितका लागि सुरु गरिएको यस कृषक समूहले पुनर्वासको कृषि सेवा केन्द्रबाट प्रयाप्त सहयोग पाउन सकेको छैन । कार्यक्रमलाई गणेश लामिछानेले सञ्चालन गर्नुभएको थियो ।