ज्येष्ठ नागरिकको भोगाइबाट हामीले धेरै सिक्नुछ : नगरप्रमुख पोतिलाल चौधरी

जेष्ठ नागरिक समन्वय समितीद्वारा ब्ल्याङकेट वितरण

लाल बहादुर एसके
बेलौरी, पुस २३
        जनताको लोकप्रियता कमाएका बेलौरी नगरपालिकाका नगरप्रमुख पोतिलाल चौधरी ज्येष्ठ नागरिक प्रति स्नेहि बनेका छन । उनकै नगर बेलौरी नगरपालिका वडा नम्बर ७ मा वडास्तरीय जेष्ठ नागरिक समन्वय समितीले आयोजना गरेको कार्यक्रममा सोमबार बरैयाको गणेश माध्यमिक विद्यालयमा सामाजिक सुरक्षा भत्ता समेत पाइरहेका ज्येष्ठ नागरिकहरुलाई ब्ल्याङकेट वितरण गरिएको छ ।

 कार्यक्रमका प्रमुख अतिथि समेत रहनु भएका बेलौरी नगरपालिकाका नगर प्रमुख पोतिलाल चौधरीले ज्येष्ठ नागरिकहरुमा धेरै अनुभवका रहेको स्मरण गर्दै उहाँहरुबाट धेरै कुरा सिक्नुपर्ने बताउनुभयो । उहाँले ज्येष्ठ नागरिकलाई अत्यन्तै माया र सम्मान गर्नुपर्ने धारण व्यक्त गर्नुभयो । उहाँले ज्येष्ठ नागरिकको हेरचाह र स्याहारमा ध्यान दिनुपर्ने बताउनुभयो । उहाँले प्रत्येक ज्येष्ठ नागरिकहरुको आफ्नो सम्मानपुर्ण धारण रहेको जिकिर गर्नुभयो । ज्येष्ठ नागरिकलाई आवस्यक पर्ने अन्य सेवासुविधामा पनि नगरपालिका सदैव सकारात्मक रहेको बताउनुभयो ।

उहाँले वडाद्वारा आयोजित कार्यक्रममा ज्येष्ठ नागरिकलाई सानैभएपनी ब्ल्याङकेट वितरण गर्न पाउँदा खुशी महसुस भएको बताउनुभयो ।

वडा नम्बर ७ का वडाअध्यक्ष प्रकाश श्रेष्ठले समेत ज्येष्ठ नागरिकहरुको अनुभवबाट धेरै कुरा सिक्न सकिने, उहाँले देशको राजनैतिक परिवर्तन देखि हरेको संघर्षमा पुर्याउनुभएको योगदानको चर्चा गर्दै सम्मान र स्नेहपुर्ण व्यवहार गर्नुपर्ने बताउनुभयो । जेष्ठ नागरिक समन्वय समितिका अध्यक्ष पदम चन्दको सभापतित्वमा सञ्चालित कार्यक्रममा विशिष्ट अतिथीहरु वडाअध्यक्ष प्रकाश श्रेष्ठ, प्रमुख प्रशासकीय अधिकृत छविलाल नेपाली, शाखा अधिकृत भोज बहदुर ऐडी, प्रहरी निरीक्षक चुडामणी पुन लगायतको उपस्थिति रहेको थियो ।

 

लाल बहादुर एसके हाम्रै साझा पत्रिकाका कार्यकारी प्रवन्धक हुन । 

____________________________________________

विज्ञापन, शुभकामना तथा समवेदना, श्रद्धाञ्जली स्तम्भ