पुनर्वास,२६ पुस
पुनर्वास-४ का रामबहादुर नेपालीले आफ्नै श्रीमति रीता नेपालीलाई आज बिहान १०.३० बजेतिर बन्चरो प्रहार गरि सख्त घाइते बनाएका छन । खुट्टामा प्रहार गरि श्रीमतिलाई घाइते बनाएपछि श्रीमान रामबहादुर नेपाली पुनर्वासको अस्थायी प्रहरी पोष्टमा आत्मसमर्पण गर्न गएका थिए । अहिले घाइते रिता नेपालीको आईबिआरडी स्थित पुनर्वास पोलिक्लिनिकमा उपचार भईरहेको छ भने दोषी रामबहादुरलाई ईलाका प्रहरी कार्यालय,त्रिभुवन बस्तीमा पठाईएको अस्थायी प्रहरी पोष्ट आईविआरडीका असई दान बहादुर साउदले जानकारी दिनुभएको छ ।
हामी यस घटना स्थलमा पुग्दा घाइते महिला यसरी नै छटपटाईरहेकी थिइन । हामीले सर्वप्रथम नजिकैको एम्बुलेन्सलाई खबर गर्यौ अनि प्रहरीलाई पनि जानकारी गराईदियौं । एम्बुलेन्स खबर गरेर ४ मिनेटमा घटनास्थल पुग्यो । त्यहि बिचको समयमा हामीले यो भिडियो खिचेका हौं । भिडियोमा प्रहरी आउदैछ रोक्नुस भन्ने शब्द त्यही उपस्थित एक जनाले बोल्नुभएको शब्द भिडियोमा रेकर्ड भएको छ । प्रहरी आएपछि मात्र उनलाई अस्पताल लैजाने जस्ता कुरा हामीले कदापि गर्न सक्दैनौं । उनलाई एम्बुलेन्सले हस्पिटल पुर्याएपछी प्रहरी हस्पिटल नै पुगेको थियो ।
भर्खरै रिलिज भएको नयाँ म्युजिक भिडियो तपाईंका लागि
No comments:
Post a Comment