पुनर्वासबाट १८ किलो अवैध सुन बरामद

कञ्चनपुर : कञ्चनपुरको पुनर्वास नगरपालिका २ बाट प्रहरीले १८ किलो अवैध सुन बरामद गरेको छ । केन्द्रबाट खटिएको प्रहरीको संयुक्त टोलीले आज बिहान  पुनर्वासको दशरथबस्तीबाट १८ केजी सुन बरामद गरेको हो ।

१८ अलगअलग टुक्रामा रहेको सुन केन्द्रीय अनुसन्धान ब्यूरो (सीआईबी), महानगरीय प्रहरी अपराध महाशाखा र जिल्ला प्रहरी कार्यालय कञ्चनपुरको संयुक्त टोलीले उक्त सुन पुनर्वास नगरपालिका २ साविक (कालिका गाविस) दशरथ बस्तीबाट बरामद गरेको हो ।

सुनसँगै पक्राउ पर्नेहरूमा चक्र तिरुवा र सुरज तिरुवा रहेको सिआइवी स्रोतले जानकारी दिएको छ।