विप्लव निकट विद्यार्थी संगठनको शैक्षिक हडतालको असर बाँकेमा पनि, पठनपाठन प्रभावित

शोभा पौडेल आचार्य 
बाँके, माघ २४
विप्लव निकटको विद्यार्थी अखिल क्रान्तिकारीले आफ्नो कार्यकर्ता पक्राउ परेको भन्दै शैक्षिक हडतालको घोषणा गरेको छ । हडतालले आज देशभर विभिन्न शिक्षणसंस्थाहरुमा प्रभाव पारेको छ ।

नेपाल कम्युनिष्ट पार्टी माओवादीको भ्रातृ संगठन अखिल क्रान्तिकारीले आज आह्वान गरेको शैक्षिक हड्तालको प्रभाव बाँकेमा पनि परेको छ । बन्दले बाँकेका सबै निजी तथा सरकारी शिक्षणसंस्थाको पढाई ठप्प भएको छ ।

अखिल क्रान्तिकारी का केन्द्रिय कोषाध्यक्ष नरेन्द्र विश्वकर्मालाई प्रहरीले पक्राउ गरेको विरोधमा क्रान्तिकारीले आज देशभरका स्कूल र कलेज बन्द आह्वान गरेको हो । विश्वकर्मालाई प्रहरीले हतियारसहित पक्राउ गरेको भनि झुटो मुद्दा लगाएकोले आफ्नो संगठन विरोधमा उत्रन बाध्य भएको अखिल क्रान्तिकारीले जनाएको छ ।