महिला जागरुक भए समाज र परिवारको विकास हुन्छ : नगर प्रमुख पोतिलाल चौधरी

लाल बहादुर एसके
बेलौरी, माघ २३
    बेलौरी नगरपालिका महिला विकास शाखाले आयोजना गरेको महिला समूह सदस्य बिच २ दिने अन्तर्कृया कार्यक्रमलाई सम्बोधन गर्दै नगर प्रमुख चौधरीले परिवार र समाजको विकास हुनको लागि महिलाहरु जागरुक हुनुपर्ने बताउनु भयो । उहाँले महिला जागरुक भए परिवार र समाज जागरुक हुने बताउनुभयो । उहाँले आफ्ना बालबालिकाहरु सहि मार्गमा डोर्याउन तथा उनीहरुलाई प्रेरित गराउन ध्यान दिनुपर्ने धारणा व्यक्त गर्नुभयो । 

उहाँले महिलाहरुको विषयमा आफू सचेत रहेको र अन्य स्थानीय तहले भन्दा फरक योजना सहित बेलौरी नगरपालिकाले महिला लक्षित सशर्त बजेट बाहेक गत आर्थिक वर्षमा रु. १० लाख र चालू आर्थिक वर्षमा रु. १३ लाख बजेट विनियोजन गरिएको समेत उहाँले जानकारी दिनुभयो । कार्यक्रम २३ र २४ गते चल्ने महिला विकास शाखाको कर्मचारी रिता मल्लले जानकारी गराउनु भयो  ।

त्यस्तै, बेलौरी नगरपालिकाका नगर उपप्रमुख चित्र कुमारी चौधरीले चुलोचौकोमा सीमित रहेका महिलाहरु समाजमा खुलेर आउन सक्ने स्थिति बनेको बताउनुभयो । उहाँले ग्रामीणभेगका महिलाहरुलाई एकैपटक जागरुक बनाउन नसकिएपनी विस्तारै योजनाबद्ध तरिकाले सबैलाई समेटिने बताउनुभयो ।

बेलौरी नगरपालिका महिला तथा बालबालिका शाखाले आयोजना गरेको महिला समूह सदस्य बिच २ दिने अन्तर्कृया कार्यक्रमलाई बेलौरी उद्योग वाणिज्य संघको सभाहलमा सञ्चालन गरिएको महिला तथा बालबालिका शाखाका प्रमुख मल्लले जानकारी दिनुभयो ।