यसरी मनाईयो कञ्चनपुरको दशरथ बस्तीमा २८५५ औं सोनाम ल्होछार र नयाँ वर्ष ड्वा ल्हो(सुंगुर वर्ष) (फोटो फिचर सहित )

सुनिलकुमार लो
पुनर्वास, माघ २४
तामाङहरुको महान पर्व सोनाम ल्होछार कञ्चनपुरको पुनर्वास-२ दशरथ बस्तीमा पनि हिजो धुमधामका साथ मनाईएको छ । २८५५औ मञ्जुश्री सम्वत तथा नयाँ बर्ष ड्वा ल्हो(सुंगुर बर्ष)आगमनको खुशियालीमा विश्वभरी रहेका तामाङ समुदायले यस दिनलाई पवित्र दिनको रुपमा चाडको रुपमा मान्ने परम्परा रहि आएको छ ।

यो चाड २८५५ औ भएकाले मञ्जुश्री सम्वतसंगै यो चाड मनाउने गरिएको ईतिहाँसकारहरुको भनाई रहेको छ ।
यस अवसरमा पुनर्वास २ दशरथ वस्तीमा रहेका तामाङ समुदायले सोही स्थानमा रहेको पल उर्गेन छ्योईलिङ गुम्बामा भेला भई सांस्कृतिक कार्यक्रम र सामुहिक भोज र खेलकुदको समेत आयोजना गरेका थिए ।

कार्यक्रममा त्यस गाउँका जेष्ठ नागरिक प्रेम दोर्जे स्याङ्दनको हातबाट सबैले टीका तथा कोकोम्हेन्दो ग्रहण गरेका थिए ।

त्यस अवसरमा पल उर्गेन छ्योईलिङ गुम्बाका अध्यक्ष अमर डिम्डुङ, नेपाल तामाङ घेदुङ सुदुरपश्चिमका संयोजक तथा पल उर्गेन छ्योईलिङ गुम्बाका सचिव दिलिप कुमार तामाङ, दशरथ बस्तीका तामाङ मुखिया(चो) भूपालमान लो लगायत सर्वसाधारणको उपस्थिति रहेको थियो ।