पुनर्वास सहकारी मा गएराती अज्ञात समुहद्वारा चोरी

धन बहादुर बिक 
पुनर्वास २७ फागुन
       जिल्लामै पुरानो सहकारी कञ्चनपुर को पुनर्वास सहकारी संस्था लिमिटेड मा गएराती अज्ञात समुहद्वारा रहस्यमय ढङ्गबाट चालीस हजार नगदसहित कागजात हरू चोरी भएको छ ।

     पुनर्वास नगरपालिका वडा नम्बर ६ प्रतिभानगर टाउन बजारको मध्येभागमा रहेको पुनर्वास सहकारी मा संस्थाको दोस्रो तलामा रहेको कार्यालयको ढोकाको ताल्चा तोडी संस्था को एक थान दराज लिएर गएको संस्था का प्रबन्धक एक कुमार श्रेष्ठले बताए । श्रेष्ठले दिएको जानकारी अनुसार उक्त चोरी भएको दराज भित्र चालीस हजार नगद सहित एक थान लेबटब , केही चेकबुक , सेयर धनिका जग्गाधनी प्रमाणपत्र र समितिको निर्णय पुस्तिका (रजिस्टर ) रहेका थिए ।

     घटनाबारे अाजै प्रहरीलाई लिखित जानकारी गराईसकिएको संस्थाका अध्यक्ष पर्शुराम बिस्वकर्माले बताए ।सहकारी ले दुग्ध डेरि पनि सञ्चालन गर्दै अाईरहेको छ भने सोमबार बिहान ८:१९  बजे डेरिका कर्मचारी प्रताप बोहराले घटनाबारे फोन मार्फत जानकारी गराएपछि अाफुलाई थाह हुनगएको संस्था का अध्यक्ष पर्शुराम बिस्वकर्माले बताए ।
     अज्ञात समुहले चोरी भएको दराज बाहेक कार्यालयमा रहेका दुई थान कम्प्युटर तथा  अन्य कुनैपनि मालसामान छेंडाखानी नगरी  यथावत रहनु र कुनैपनि सामान अस्तव्यस्त नहुनु ले अंझ थप रहस्यमय बनेको संस्था का उपाध्यक्ष बिष्णु अर्यालले बताए । अज्ञात समुहले हेक्सब्लेडले ताल्चा काटि कार्यालयमा प्रवेश गरेको पाईएको छ भने चोरी गर्न अाउदा प्रयोग गरिएको ३ थान साईकल समेत प्रहरीले फेला पारेको छ । चोरी भएको घटना लगत्तै संस्थाका पदाधिकारी , कर्मचारी तथा प्रहरीले संयुक्तरूपमा खोजतलास मा जुटेका थिए भने सोमबार सांझसम्म पनि कुनै उपलब्धि हुन नसकेको ईलाका प्रहरी कार्यालय त्रिभुवनबस्ती ले जनाएको छ ।
    चोरीको घटना मा संलग्न चोरहरूको खोजीकार्य भैरहेको र छिट्टै पत्ता लगाईछाड्ने ईलाका प्रहरी कार्यालय त्रिभुवनबस्तिका निरिक्षक कर्ण बहादुर बमले बताए ।