पुनर्वास, फाल्गुन २१
समरी नेपाल संस्थाको पुनर्वास कार्यालय उद्घाटन कार्यक्रममा पुग्नुभएका प्रदेशसभा सांसद तथा सुदुरपश्चिम प्रदेश संसदीय दलका प्रमुख सचेतक तारालामा तामाङले पुनर्वासका ठुला समस्याहरुमा देखिएका विकृतिविसंगति, खुल्ला सीमा हुँदैआउने लागूऔसतको सेवन तथा बिक्रीवितरणलाई निर्मुल पार्न सबै एकजुट हुनुपर्ने बताउनुभयो ।
उहाँले जातीय, क्षेत्रीय तथा धार्मिक रुपमा कसैलाई पनि विभेद गर्नुनहुने बताउनुभयो । उहाँले पुनर्वास एक बहुधार्मिक, बहुभाषिक, बहुसाँस्कृतिक तथा बहुल जातजाति भएको क्षेत्र भएकाले अहिलेसम्म सबैपक्षबाट साथ र सहयोग गरिरहेको स्मरण गर्दै कुनैपक्षबाट पनि विभेद हुन नहुने बताउनुभयो । उहाँले समरी नेपाल संस्थाले गरेका सरसफाइ देखि विभिन्न सामाजिक कामको प्रसंसा गर्दै पुनर्वासलाई स्वच्छ र एकताबद्ध बनाउन सबैमा आग्रह गर्नुभयो ।
उहाँले पुर्णरुपमा भेदभाव रहित समाजको परिकल्पना गर्न सामाजिक संघसंस्थाहरुले समेत सचेतनामुलक कार्यक्रम गर्न आवश्यक रहेको बताउनुभयो । उहाँले सामाजिक काममा अग्रसर भई संस्थाले लिएको उदेश्य प्राप्त होस भन्दै प्रगतिको कामना गर्नुभयो । संस्थाले पुनर्वासको आइबिआरडि बजार र आसपासका क्षेत्रमा सरसफाइका कार्यक्रमहरु गर्दै आईरहेको छ ।
कार्यक्रममा विशिष्ट अतिथि जिल्ला समन्वय समितिका सभापति फैरु तामाङ, वडानम्बर ६ का वडाअध्यक्ष मन बहादुर गुरुङ, विभिन्न विद्यालयका शिक्षकहरु, विभिन्न चर्चका पास्टरहरु, समाजसेवी, बुद्धिजीवी, तथा सर्वसाधारणको उपस्तिथि रहेको थियो । कार्यक्रमको सञ्चालन संस्थाका सदस्य प्रकाश लोप्चनले गर्नुभएको थियो । संस्थाको कार्यालय पुनर्वास नगरपालिका वडा नम्बर ६ आइबिआरडी बजारमा आज एक कार्यक्रमका बिच उद्घाटन भएको छ ।
No comments:
Post a Comment