बुटवलमा खुल्यो १५ सैयाको साझा अस्पताल, विरामीलाई निःशुल्क टिकट

 हाम्रै साझा पत्रिका
बुटवल–८ श्रवण पथमा नयाँ अस्पताल सञ्चालनमा आएको छ । आफ्नै भवनमा संचालनमा आएको साझा हस्पिटल १५ सैयाको छ । शनिवार बुटवलमा पत्रकार सम्मेलनको आयोजना गरी अस्पतालका अध्यक्ष डा. शान्ता शर्माले पहिलो चरणमा विरामीहरुको लागि निःशुल्क टिकटको व्यवस्था गरिएको जानकारी दिईन् । उनका अनुसार स्वाथ्य मन्त्रालयको सबै मापदण्ड पूरा गरी अस्पताल सञ्चालनमा ल्याइएको हो । अहिले १४ जना विशिष्ठिकृत विशेषज्ञ चिकित्सकहरुले २४ सै घण्टा सेवा प्रदान गर्ने गरी अस्पताल सञ्चालनमा ल्याइएको सञ्चालक डा. ईन्द्र ढकालले जानकारी दिए ।

बुटवल–८ श्रवण पथमा रहेको उक्त अस्पताल अहिले १५ सैयाको छ । निकट भविश्यमा थप्न सकिने गरी योजना बनाइएको अस्पतालका अध्यक्ष डा. शान्ता शर्माको भनाई छ ।
सेवा शुभारम्भ गरेको अवसरमा अस्पतालले निशुल्क विशेषज्ञ परामर्स सेवासमेत प्रदान गर्ने भएको छ । यस्तै अस्पतालले ल्याएको प्याकेजमध्ये जनरल होलबडी प्योकज २ हजार २ सय, होल बडी स्पेशल प्योकज ३ हजार ५ सय रुपैयाँमा उपलब्ध गराइएको छ ।